12px13px15px17px
Tarix:27/06/14

“IDC”: “Kompüter monitorlarının satışı yenidən azalıb”

2014-cü ilin birinci rübündə dünyada 33,7 milyon kompüter monitoru satılıb ki, bu da ötən ilin birinci rübündən 0,4 faiz azdır, lakin analitiklərin proqnozlaşdırdıqlarından (31 milyon) çoxdur. Analitiklərin fikrincə, azalma davam edəcək və 2018-ci ilədək ildə 106 milyon monitor təşkil edəcək. 
 
Bildirilir ki, arxa tərəfi işıqlandırma ilə təchiz edilən maye-kristal monitorların payı artmaqda davam edəcək. Birinci rübdə bu məhsulların həcmi 92 faizədək yüksəlib. Bu halda  kütləvi monitor ölçüsü 21 düymdür. Bu sinfə rüb ərzində satılan monitorların 20,5 faizi aid edilib. Həmçinin satılan monitorların 81,3 faizi 16:9 tərəflər nisbətinə malik olub. Tərəflər nisbətinin populyarlığına görə ikinci yeri 16:10 tutub. Sensor ekranlarla təchiz edilən monitorların sayı hələ də azlıq təşkil edir. Belə ki, kompüter monitorlarının yalnız 0,4 faizi sensor ekranla təchiz edilib və onun 32,8 faizi ABŞ-da satılıb.
 
Satılan monitorların sayına görə birinci yeri 5 milyon monitorla və ya dünya bazarının ümumi satış həcminin 14,9 faizi ilə “Dell” şirkəti özündə saxlayıb. Lakin mənfəətə görə birinci yer hələ də “Samsung” şirkətinə məxsusdur. 4,5 milyon satılmış monitor Cənubi Koreya istehsalçısına 1,11 milyard dollar qazanc gətirib ki, bu da dünya bazarının 18,4 faizi deməkdir. Üçüncü yerdə “HP”, ondan sonrakı yerlərdə "LG” və “Lenovo” şirkətləri qərarlaşıb, - “Computerworld www.osp.ru” yazır. 



Baxış sayı: 425

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






25 May 2020

24 05 2020