12px13px15px17px
Tarix:09/07/14

“TeliaSonera” Norveçdə “Tele2”-nun biznesini 744 milyon dollara alır

İsveçin telekommunikasiya şirkəti “TeliaSonera” 5,1 milyard İsveç kronuna (744 milyon dollara), “Tele2”-nun Norveçdə bölümünü alır.

Bu birləşmə baş verdikdən sonra “TeliaSonera” abunə sayına görə ölkədə “Telenor”dan sonra ikinci şirkət olacaq. “Tele2” Norveç bazarını 2013-cü ilin dekabr ayında baş tutmuş uğursuz hərracdan sonra tərk edir.
 
Bununla, “TeliaSonera”nın Norveçdə bazar payı 23%-dən 40%-dək artacaq, abunə sayı isə 1,6 milyondan 2,7 milyon nəfərədək artacaq. Razılaşma baş tutduqdan sonra Norveçin mobil rabitə bazarında üç oyunçu olacaq:
 
“Telenor”, “TeliaSonera” və 2013-cü ilin dekabr ayında “Tele2”-ya tezlik hərracında qalib gələn, bazarın yeni iştirakçısı “Access Industries”.
 
“Tele2”-nun baş direktoru Mats Qranridin sözlərinə əsasən, “TeliaSonera” ilə bağlanmış sazişdən daxil olacaq gəlirin bir qismi onun Niderlanddakı bölümünün inkişafına yönəldiləcək.

“TeliaSonera”nın yaydığı məlumata əsasən, bu müqavilə 2016-cı ildən etibarən 800 milyon İsveç kronundan az olmayan bir ölçüdə iqtisadi sinerjiyə gətirib çıxaracaq.
 
“Tele2” bildirib ki, razılaşma Norveç antiinhisar tənzimləyiciləri tərəfindən müsbət rəy almalıdır, onlar isə öz qərarlarını 2015-ci ilin birinci rübündən gec olmayaraq bildirəcəklər, bunun sayəsində kapitalın 2 milyard İsveç kronuna yaxın bir həcmdə artımına ümid etmək olar.
 
Bu xəbərin fonunda “TeliaSonera”nın səhmlərinin qiyməti “Stokholm birjasının açılışında 1,7% artaraq hər bir səhm üçün 50,45 İsveç kronunadək artıb. “Tele2”-nun səhmlərinin qiyməti isə 3,2% artaraq hər biri üçün 84,05 İsveç kronu təşkil etdi. Şirkətlərin kapitallaşması hazırda müvafiq olaraq 218 milyard kron və 37,5 milyard kron təşkil edir.
 
Aynur Vəliyeva



Baxış sayı: 473

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024