Tarix:21/07/14

Yeni “iPhone” smartfonu “Sony” şirkətinin 13 meqapiksellik kamerası ilə təchiz edilib

“Apple” şirkətinin yeni “iPhone 6” smartfonu Yaponiyanın “Sony” şirkətinin 13 meqapiksellik kamerası ilə təchiz ediləcək. Britaniyanın “Digital Spy” portalı yazıb ki, qurğunun fotomodulu “Exmor IMX220” sensoru ilə təchiz ediləcək.
 
Portalın məlumatına görə, smartfon, çox güman ki, ən azı 2 QHs takt tezlikli ikinüvəli “A8” prosessoru ilə təchiz ediləcək.
 
“ICTnews" elektron xəbər xidməti “itar-tass.com” saytına istinadən bildirir ki, yeni smartfonda, həmçinin akkumulyatorun tutumu artırılacaq.
 
Cari ilin payızında “Apple” şirkətinin öz yeni smartfonlarını nümayiş etdirəcəyi gözlənilir.
 
“iPhone 6” smartfonu sapfir kristallarının tətbiqi ilə yaradılmış sınmayan şüşə ilə təchiz ediləcək.
 
Emil Hüseynov

Baxış sayı: 641

© İstifadə edilərkən İctnews-a istinad olunmalıdır