12px13px15px17px
Tarix:26/07/14

Polşada kosmik agentlik yaradılacaq

Polşa Seyminin qərarına əsasən, ölkədə Milli Kosmik Agentliyi yaradılacaq.

“POLSA” (Polish Space Agency) adlandırılan yeni təşkilat kosmik sektorun şirkət və tədqiqat institutlarının dəstəklənməsi ilə məşğul olmaqla onların Avropa Kosmik Agentliyindən vəsaitlərin alınmasına yardımçı olacaq. Agentlik həmçinin əlaqələndirici funksiyaları yerinə yetirəcək, laboratoriyalar açacaq, elm və işgüzar dairələr arasında münasibətlərin qurulmasına kömək edəcək.  

İllik fəaliyyəti 5-10 milyon zlot (1,2-2,5 milyon avro) dəyərində qiymətləndirilən “POLSA”-nın mənzil-qərargahı Varşavada yerləşəcək.

Ekspertlərin fikrincə, gələcəkdə Polşa kiçik peyklərin istehsalında və tədqiqat ekspedisiyalarında ixtisaslaşa bilər.
 
Qeyd edək ki, 2012-ci ilin sentyabrında Polşa Avropa Kosmik Agentliyinə üzv olub. 2017-ci ilədək respublika xüsusi şərtlərindən istifadə etmək hüququna malikdir. Bunun sayəsində kosmosla bağlı layihələrin həyata keçirilməsi üçün agentliyə üzvlük haqqının 45 faizi (20 milyon avro) ölkəyə qaytarılacaq.

Polşada Avropa Kosmik Agentliyi çərçivəsində layihələrin maliyyələşdirilməsi üçün ilk müsabiqə 2013-cü ildə elan edilib. Müsabiqə zamanı 5 milyon avro məbləğində sazişlər imzalanıb. Polşa alimləri müşahidə peyklərinin vibrasiyasının azaldılması üçün qurğuların istehsalı, eləcə də peyklərdə günəş panellərinin açılması mexanizminin yaradılması üçün sifarişlər alıblar, - “İTAR-TASS www.itar-tass.com” yazır.  



Baxış sayı: 618

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024