12px13px15px17px
Tarix:08/10/14

Rabitə və Yüksək Texnologiyalar Nazirliyi təhlükəsizlik üzrə daha 2 identik milli standartın layihəsini hazırlayıb

Azərbaycan Rabitə və Yüksək Texnologiyalar Nazirliyi hazırda TK05-də təhlükəsizlik üzrə daha 2 identik milli standartın layihəsini hazırlayıb.
 
“ICTnews” xəbər xidmətinin məlumatına əsasən, bu ISO/IEC 27032-2012 (Information technology – Security techniques – Guidelines for cybersecurity), ISO/IEC 27035-2011 (Information technology – Security techniques – İnformation security incident management) standartlarının layihələridir.
 
Hazırda qeyd edilən standart layihələri aidiyyəti qurumlarla razılaşdırılır və müsbət rəylər alındıqdan sonra onların təsdiqlənməsi nəzərdə tutulub.
 
Qeyd edək ki, bu günlərdə TK05 tərəfindən hazırlanmış 2 standart üzrə - ISO/IEC 27007:2011 (Information technology – Security techniques – Guidelines for information security management systems auditing), ISO/IEC TR 27008:2011 (Information technology – Security techniques – Guidelines for auditors on information security controls) aidiyyəti qurumlardan (Elektron Təhlükəsizlik Mərkəzindən, Milli Təhlükəsizlik Nazirliyindən, İnformasiya Texnologiyaları İnstitutundan, Azərbaycan Texniki Universitetindən) müsbət rəylər alınıb qeydiyyata alınması üçün SMPDK-ya təqdim olunacaq.
 
Ümumilikdə TK05-də bu günədək  hazırlanmış 35 milli standart SMPDK tərəfindən dövlət qeydiyyatına alınıb. Onlardan 11-i terminoloji standart, 14-ü informasiya təhlükəsizliyi üzrə standartları, 3-ü biometrik standart, 5-i rəqəmli TV standartı, 2-si klaviatura düzümüdür. 
 
Aynur Vəliyeva



Baxış sayı: 823

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






27 May 2020

26 05 2020