12px13px15px17px
Tarix:13/10/14

“Əhali məskunlaşmasının “ArcGİS” proqram təminatı imkanlarından istifadə edilərək öyrənilməsi” mövzusunda keçirilən təlim kursları başa çatıb

Böyük Britaniyanın  Edinburq şəhərində  Ətraf Mühit Sistemləri Tədqiqat İnstitutunda (ESRİ) “Əhali məskunlaşmasının “ArcGİS” proqram təminatı imkanlarından istifadə edilərək öyrənilməsi” mövzusunda keçirilən  təlim kursları başa çatıb.
 
Kurslarda AMEA akademik H.Əliyev adına Coğrafiya İnstitutunun əməkdaşı və doktorantı Rauf Əmənov iştirak edib. R.Əmənovun təlimlərdə iştirakına Prezident yanında Elmin İnkişafı Fondu (EİF) dəstək verib. İnstitutdan bildirilib ki, təlim iki hissədən ibarət olub.
 
Birinci hissə  “ArcGİS10.x Desktop” üçün inkişaf etdirilmiş bacarıqlar (Enhanced Skills for ArcGIS 10.x for Desktop)” və ikinci hissə isə “ArcGIS 10.x Məkansal Analizdən istifadə edərək raster məlumatların geoemalı (Geoprocessing Raster Data using ArcGIS 10.x Spatial Analyst)” adlanıb. R.Əmənov hər iki kursu uğurla başa vuraraq ESRİ-nin sertifikatları ilə təltif olunub.
 
 
Qeyd edək ki, doktorant EİF-in 2014-cü ildə keçirilmiş 4-cü “Mobillik qrantı” müsabiqəsinin qalibi olub. Sözügedən təlimlər də həmin layihə çərçivəsində reallaşıb.
 
 
Həqiqət İSABALAYEVA



Baxış sayı: 1326

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024