12px13px15px17px
Tarix:15/10/14

Finlandiya şirkəti Çin operatoru ilə 970 milyon dollarlıq saziş imzalayıb

Finlandiyanın “Nokia Networks” və Çinin “China Mobile” şirkətləri arasında çərçivə sazişi imzalanıb. Sazişə əsasən, Finlandiya istehsalçısı Çin şirkətinə 970 milyon dollar dəyərində avadanlıq tədarük edəcək və xidmətlər göstərəcək.
 
Berlində keçirilən Almaniya-Çin İqtisadi Forumu çərçivəsində baş tutan imzalanma mərasimində “China Mobile” operatorunun vitse-prezidenti Li Hudi və “Nokia”nın icraçı vitse-prezidenti Hans Yurqen Bill iştirak edib.
 
Sazişin şərtlərinə uyğun olaraq “Nokia Networks” şirkəti “China Mobile”ı  2014-2015-ci illərdə genişzolaqlı “4G” internet şəbəkəsinin qurulması üçün “4G TD-LTE” şəbəkə texnologiyası və avadanlıqları, o cümlədən “Evolved Packet Core” (EPC) həlləri, proqram təminatı, GSM şəbəkə avadanlıqları və xidmətləri ilə təmin edəcək. Sazişin imzalanmasına hazırlığa cari ilin birinci rübündə başlanıb.
 
“Nokia” Çin bazarında “TD-SCDMA” standartından “TD-LTE” standartına keçidin təminində iştirak edən yeganə əcnəbi şirkətdir. “TD-SCDMA” Çinin milli “3G” standartı, “TD-LTE” - “China Mobile” operatorunun “LTE” standartıdır. Finlandiya şirkəti həmçinin dünyanın altı qitəsində "TD-LTE” şəbəkəsini quran yeganə istehsalçıdır, - “3DNews” yazır.



Baxış sayı: 716

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024