12px13px15px17px
Tarix:27/08/11

“Samsung” şirkəti “Galaxy S II” smartfonunun yeni versiyasını hazırlayır

Gələn həftə “Samsung” şirkətinin yeni məhsulunun təqdimatı olacaq. Artıq şəbəkədə yenilik haqqında bəzi informasiya yayılıb.

Məlum olub ki, “İFA” sərgisində koreyalılar “Galaxy S II” flaqman smartfonunun “LTE”, “WCDMA” və “GSM” şəbəkələrinin dəstəyi ilə olan versiyasını təqdim edəcəklər.

Yeni qurğuya bəzi dəyişikliklər edilib. Məsələn, arxa panelin dizaynı dəyişib, səthi tutqunlaşıb. Bundan başqa, “Super AMOLED Plus” ekranının diaqonalı 4,3 düymdən 4,5 düymə qədər artıb.

Yenilənmiş “Galaxy S II” smartfonu 1,5 QHz takt tezlikli 2 nüvəli prosessora malikdir. Məlumat üçün qeyd edək ki, indiki model 1.2 QHz takt tezlikli çiplə təchiz olunub.

Digər spesifikasiyalar: 8 meqapiksel kamera, “Bluetooth 3.0”, “Wi-Fi” və “GPS” modulları, “NFC” çipi dəyişməyib. Əməliyyat sistemi kimi “Android 2.3” istifadə olunub.



Baxış sayı: 1603

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






22 Oktyabr 2021

21 10 2021