12px13px15px17px
Tarix:11/11/14

“Instagram”da fotolara şərhləri dəyişdirmək imkanı əlçatan olub

“Instagram” xidmətinin istifadəçiləri fotoşəkil və qısamüddətli videoçarxların dərcindən sonra onlara yazılmış şərhləri redaktə etmək imkanı əldə ediblər. Bu haqda “Instagram” rəsmi bloqunda yazılıb.
 
"ICTnews" elektron xəbər xidməti “lenta.ru” saytına istinadən bildirir ki, bundan əvvəl fotoşəkillərə yazılan ilkin şərhlərdə səhvə yol vermiş istifadəçilər onu dəyişmək və ya silmək üçün fotoşəkil və ya videoçarxı silərək yenidən yükləmək məcburiyyətində olublar.
 
"Şərhlərin redaktəsi “Instagram” cəmiyyəti tərəfindən ən çox tələb edilən funksiyalardan biri olub. Siz fotoşəkillərin alt hissəsində “Redaktə etmək” adlı yeni funksiyanı tapa bilərsiniz" – “Instagram” xidmətindən bildirilib.
 
Hazırda “Instagram” xidmətinin auditoriyası 200 milyon istifadəçi təşkil edir.
 
Emil Hüseynov



Baxış sayı: 620

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024