12px13px15px17px
Tarix:14/11/14

Elektron arayışla kredit verən bankların sırasına daha bir bank qoşulacaq

“Elektron hökumət” portalının operatoru - Rabitə və Yüksək Texnologiyalar Nazirliyinin (RYTN) Məlumat Hesablama Mərkəzi (MHM) və “Muğanbank” ASC arasında əməkdaşlığa start verilib.
 
Mərkəzdən verilən məlumata görə, bu əməkdaşlığa əsasən artıq “Muğanbank” ASC-nin də müştəriləri “Elektron hökumət” portalı vasitəsilə elektron arayışdan istifadə edə biləcəklər.
 
Elektron arayışla kredit rəsmiləşdirmək çox asandır: “Bunun üçün müştəri “Elektron hökumət”in internet səhifəsinə  daxil olub “Vətəndaşa aid fərdi məlumatlar üzrə elektron arayışın verilməsi” linkindən istifadə edərək arayış yarada bilər. Müştəri “Kredit ərizəsi üçün məlumatın göndərilməsi” bölməsində “Muğanbank” seçməklə arayışı onlayn rejimdə göndərməli və ya banka yaxınlaşmaqla bankın filiallarında quraşdırılmış kompüterlər vasitəsilə “Elektron hökumət” portalına daxil olub arayışı rəsmiləşdirərək banka təqdim etməlidir”.
 
Qeyd edək ki, “Elektron hökumət” portalına sadələşdirilmiş kod-parollardan, elektron imza sertifikatından istifadə etməklə, “ASAN İmza” və portal tərəfindən təklif olunan digər identifikasiya metodları vasitəsilə daxil olmaq mümkündür.
 
CAHANGİR
 



Baxış sayı: 847

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024