12px13px15px17px
Tarix:25/11/14

Ekspertlər: Növbəti il “DDoS” hücumlarının böyük hissəsi Asiyanın payına düşəcək

“Black Lotus” informasiya təhlükəsizliyi şirkətində çalışan mütəxəssislərin məlumatına görə, 2015-ci ildə Vyetnam, Hindistan və İndoneziya mobil telefonlara müdaxilələrin sayının artması sayəsində “DDoS” hücumlarının əsas mənbəyi olacaq.

"ICTnews" elektron xəbər xidməti “securitylab.ru” saytına istinadən bildirir ki, 2014-cü il iyulun 1-dən sentyabrın 29-na kimi dövrü əhatə edən rüblük hesabata əsasən, təhlükəsizliyə təhdidə görə Vyetnam Çin, ABŞ, Rusiya və Almaniyadan sonra beşinci pillədə qərarlaşıb.

Mütəxəssislər bildirib ki, Vyetnam, Hindistan və İndoneziya genişmiqyaslı “DDoS” hücumlarının həyata keçirilməsi üçün lazımi buraxılış zolağına malik deyil, amma müdaxilə edilmiş xeyli qurğunun, xüsusilə smartfonların mövcudluğu adıçəkilən ölkələri yeni botnet yaradılması üçün əla meydançaya çevirir.
“Black Lotus” şirkətinin həmtəsisçisi Şon Merkin proqnozuna görə, növbəti il “DDoS” hücumlarının sayı azalacaq.

Emil Hüseynov



Baxış sayı: 870

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024