12px13px15px17px
Tarix:29/11/14

Avropa İttifaqı internet şirkətindən “Right to be Forgotten” qanununun tətbiqini genişləndirməyi tələb edib

Avropa İttifaqının (Aİ) tənzimləyici orqanları “Google” internet şirkətindən “Right to be Forgotten”  (“Unudulmaq haqqı”) qanununun tətbiqi sahəsini genişləndirməyi tələb edib.

Hazırda şirkət axtarış linklərini yalnız Avropa ölkələrinin domen zonalarında silir, lakin bundan sonra ".com” beynəlxalq domenini də bu aqibət gözləyə bilər.
 
Qanun istifadəçinin “Google”a sorğu ilə müraciət etdikdən sonra axtarış nəticələrindən onun fərdi məlumatlarının silinməsini nəzərdə tutur.
 
Hazırda Fransa, Almaniya və Böyük Britaniya hakimiyyəti şirkətin ".com” domen zonasında olan saytlar üçün “Right to be Forgotten” qanununu tətbiq etməməsi ilə bağlı 500-dək şikayət alıb. “Google”un məlumatına görə, istifadəçilərdən fərdi məlumatların silinməsi üçün 174 mindən çox müraciət daxil olub.
 
“Right to be Forgotten” internet istifadəçiləri arasında geniş müzakirəyə səbəb olub.
 
Qeyd edək ki, qanun Avropa Məhkəməsi tərəfindən 2014-cü ilin mayında qəbul olunub. İyulun ortalarında “Google” şirkəti axtarışın nəticələrindən 328 min linkin silinməsi ilə bağlı 90 min sorğu alıb. Servis müraciətlərin yarısından çoxunu müsbət cavablandırıb, - “Vesti” yazır.



Baxış sayı: 357

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






30 May 2020

29 05 2020