NRYTN

Tarix:10/12/14

Rabitə və Yüksək Texnologiyalar Nazirliyinin ən aktual elektron xidmətləri bəlli olub

Noyabr ayı ərzində “Elektron hökumət” portalı vasitəsilə ən çox istifadə olunan 5 elektron xidmətdən 3-ü Rabitə və Yüksək Texnologiyalar Nazirliyinin (RYTN) göstərdiyi e-xidmətlər olub.

Portal istifadəçiləri ən çox 143348 dəfə olmaqla Əmək və Əhalinin Sosial Müdafiəsi Nazirliyinin (ƏƏSMN) “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” xidmətindən yararlanıb.

Rabitə və Yüksək Texnologiyalar Nazirliyinin “Telefon nömrəsi üzrə axtarış” xidməti 76381 dəfə istifadə sayına görə ikinci mövqedə qərarlaşıb.

İstifadəçilər RYTN-in “Mobil cihazların qeydiyyatdan keçirilməsi” e-xidmətindən isə 54974 dəfə faydalanıb.

ƏƏSMN-in “Əmək müqaviləsi bildirişləri barədə məlumatların işçilər tərəfindən əldə edilməsi” xidməti də maraq göstərilən xidmətlər sırasındadır. Bu xidmətdən 41623 dəfə istifadə olunub.

RYTN-in beşinci yerdə qərar tutan “Mobil cihazların IMEI kodunun yoxlanılması” xidmətindən 35166 dəfə istifadə qeydə alınıb.

CAHANGİR

Baxış sayı: 1065