12px13px15px17px
Tarix:15/12/14

İnternet şirkəti İspaniyada xəbərlər xidmətini bağlayır

“Google” internet şirkəti İspaniyada növbəti ilin yanvarından qüvvəyə minəcək yeni qanunvericilik tələbləri ilə əlaqədar cari ilin dekabrın 16-dan etibarən xəbərlər xidmətinin fəaliyyətini dayandırmaq barədə qərar qəbul edib.  
 
Yeni qaydalara əsasən, İspaniyanın bütün nəşrləri öz istəyindən asılı olmayaraq “Google News” xidmətində və ona oxşar digər servislərdə yerləşdirilən məqalənin hər fraqmentinə görə ödəniş tələb etmək hüququna malik olacaq. “Google” rəhbərliyinin fikrincə, İspaniya hakimiyyətinin bu cür yanaşması qəbuledilməzdir. Çünki “Google News” resursu reklam bannerlərini yerləşdirmir və bu səbəbdən əlavə gəlir mənbələrinə malik deyil.
 
“Google News”un rəhbəri Riçard Ginqras qeyd edib ki, şirkət gələcəkdə də xəbərlər sənayesinə dəstək vermək niyyətindədir və oxucu auditoriyasının genişləndirilməsi və informasiya resurslarının gəlirlərinin artırılması məqsədilə dünyada bütün tərəfdaşları, o cümlədən İspaniya ilə əməkdaşlığı davam etdirəcək, - "SecurityLab” yazır.  



Baxış sayı: 349

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 May 2020

25 05 2020