12px13px15px17px
Tarix:17/12/14

Daha bir bank elektron arayış xidmətindən istifadəyə başlayıb

“Elektron hökumət” portalında qeydiyyatdan keçmiş və ya portalda avtorizasiya üçün digər vasitələrə malik olan vətəndaşlar bu gündən etibarən onlayn rejimdə internet olan istənilən məkandan kredit sifarişi üçün “Bank BTB”-yə müraciət edə bilərlər.
 
 
“Elektron hökumət” portalının operatoru - Rabitə və Yüksək Texnologiyalar Nazirliyinin Məlumat Hesablama Mərkəzindən (MHM) verilən məlumata görə, “Bank BTB”-də elektron arayışdan istifadəyə başlanılması MHM və bank arasında imzalanmış müqavilə əsasında baş tutub.
 
 
Qeyd edək ki, kreditin rəsmiləşdirilməsi üçün iş yerindən arayışı bankın filiallarından da əldə etmək mümkündür. İlkin mərhələdə bu xidmətdən bankın 5 filialında yararlanmaq mümkün olacaq. Bunun üçün vətəndaş yalnız şəxsiyyət vəsiqəsi ilə bankın müvafiq filialına yaxınlaşmalıdır. Qısa zamanda bankın bütün xidmət şəbəkəsinin bu xidmətə qoşulması planlaşdırılır.
 
 
Məlumat üçün bildirək ki, hal-hazırda portalın operatoru növbəti mərhələ kimi elektron arayışlardan istifadə sahələrinin genişləndirilməsi və müxtəlif istiqamətlər üzrə elektron arayışların verilməsi üçün işləri davam etdirir.
 
 
CAHANGİR
 



Baxış sayı: 2963

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024