12px13px15px17px
Tarix:19/12/14

“Mənim elektron hökumətim” müsabiqəsinin qalibləri mükafatlandırıldı

Bu gün Beynəlxalq Mətbuat Mərkəzində "Elektron hökumət" portalının operatoru – Rabitə və Yüksək Texnologiyalar Nazirliyinin Məlumat Hesablama Mərkəzinin elan etdiyi  "Mənim elektron hökumətim" adlı məqalə və videosüjet müsabiqəsinin nəticələrinin elan edilməsi ilə bağlı mətbuat konfransı keçirilib.
 
Qeyd edək ki, "Mənim E-hökumətim" adı altında "Ən yaxşı məqalə" və "Ən yaxşı videomaterial" olmaqla 2  nominasiya üzrə nəzərdə tutulmuş müsabiqənin məqsədi dövlət orqanlarının təqdim etdiyi elektron xidmətləri geniş ictimaiyyətə çatdırmaq, "Elektron hökumət" portalının (e-gov.az) populyarlığını artırmaq olub. Müsabiqədə qiymətləndirməyə şərtlərə uyğun olaraq 7 videomaterial və 48 məqalə təqdim edilib.
 
Tədbirdə çıxış edən rabitə və yüksək texnologiyalar nazirinin müavini Elmir Vəlizadə bildirib ki, Azərbaycanda elektron hökumətin həyata keçirilməsi dövlət siyasətidir. Ölkəmizin bu yolu məqsədli şəkildə inkişaf etdirdiyini və bu istiqamətdə
ildən ilə yeni-yeni nailiyyətlər əldə edildiyini vurğulayan nazir müavini bildirib ki, tarixə nəzər saldıqda Azərbaycanda ilk elektron hökumət layihələrinin təqribən 95-ci ildən başlayaraq həyata keçirilməyə başladığını görərik:
 
"Bilirsiniz ki, BMT-nin elektron hökumətin inkişafı ilə bağli 4 mərhələli, bəzən də 5 mərhələli adlandırılan bir modeli var. Bütün dünya ölkələri bu model üzrə addım atır, o cümlədən Azərbaycan. Dünya ölkələri yeni bir ixtira etməyə cəhd etmirlər. Bu modeli özlərinə rəhbər tutaraq e-hökuməti formalaşdırırlar. Ancaq o da qeyd olunmalıdır ki, hər bir ölkənin öz xüsusiyyəti və seçdiyi yolu var. Model eyni olsa da, tətbiqlər müxtəlifdir. Biz iştirak etdiyimiz beynəlxalq tədbirdə edilən çıxışlarda görürük ki, iştirakçıların hamısı görülən oxşar işlərdən danışır. Ancaq hər birinin qazandığı müvəffəqiyyətlərdə, həyata keçirdiyi layihələrdə bir qədər fərqlilik olur. Məhz həyata keçirilən bu fəaliyyətin də özəlliyi ondadır ki, beynəlxalq təcrübənin ən qabaqcılını mənimsəyərək bunu ölkəmizə gətirib tətbiq edə bilək. Bu baxımdan qeyd edə bilərəm ki, ölkəmizdə tətbiq olunan e-hökumət layihəsi ən qabaqcıl modellərdən biridir".
 
 
E.Vəlizadə qeyd edib ki, Azərbaycan təkcə MDB məkanında deyil, dünya üzrə elektron imzanı elektron sənədlə birləşdirən qanunu işləyən ilk dövlətlərdən biri olub.
 
Onun sözlərinə görə, sözügedən qanun 2004-cü ilin noyabrında BMT-nin bir modeli olaraq digər dövlətlərə nümayiş etdirilib:
 
"O zaman Azərbaycan MDB-də "Elektron imza haqqında" adlı qanun layihəsini qəbul edən ilk dövlət idi. Bütün bunlar göstərir ki, atdığımız addımlar müəyyən mərhələdə həqiqətən də modeldir. Azərbaycanda e-hökumətin inkişaf etdirilməsi dövlət siyasəti olmaqla başlıca amalı ilk növbədə dövlət idarəçiliyinin təkmilləşdirilməsi, müasir texnologiyaların idarəçilikdə daha geniş tətbiq olunması və bununla da idarəçiliyin səmərəliliyinin bir qədər də artırılması, eyni zamanda həyata keçirilən fəaliyyətin şəffaflığının daha da genişləndirilməsi, vətəndaşlarla ünsiyyətin sadələşdirilməsi və onun İKT-dən istifadə etməklə daha da əlverişli edilməsidir. Həmçinin e-hökumət proqramının icrası ölkəmizdə korrupsiyanın aradan qaldırılması, yoxsulluğun azaldılması istiqamətində keçirilən fəaliyyətin tərkib hissəsidir. Bu baxımdan biz yaratdığımız elektron portalın fəaliyyətinə və e-hökumətin formalaşması üzrə görülən bütün işlərə çox böyük məsuliyyətlə yanaşırıq".
 
 
Azərbaycanda həyata keçirilən e-hökumət prosesinin prezident İlham Əliyevin daim diqqətində olduğunu deyən nazir müavininin sözlərinə görə, məhz buna görədir ki, ölkəmiz BMT-nin və eləcə də Beynəlxalq Telekommunikasiya İttifaqının hesabatlarında İKT siyasətinin prioritetləşdirilməsi, İKT-nin dövlət orqanlarında tətbiqi indeksləri üzrə dünya dövlətləri arasında ilk onluqda qərarlaşır. Bunun özü də onu göstərir ki, aparılan siyasət hərtərəfli düşünülmüş, kompleks, ardıcıl siyasətdir. Beynəlxalq aləm də bunu qəbul edir".
 
Sonra Məlumat Hesablama Mərkəzinin direktoru Nail Mərdanov çıxış edərək bildirib ki, artıq iki ildir "Mənim elektron hökumətim" müsabiqəsi keçirilir. O qeyd edib ki, müsabiqənin əsas məqsədlərindən biri də media mənsublarını e-hökumət prosesinə cəlb etməklə onun kütləviliyini təmin etməkdir:
 
"KİV-in aktiv şəkildə cəlb olunması ilə maarifləndirmə işlərinin daha da genişləndirilməsini istəyirik. Jurnalistlərin bu mövzuda yazması sosial tələblərin müəyyənləşməsində əhəmiyyətli rola malikdir. E-hökumət quruculuğu birmənalı olaraq vətəndaşlar üçündür. Bu istiqamətdə vətəndaşların nə istədiyini, onun sifarişini, arzusunu nəzərə almaq çox vacibdir. İctimaiyyətin sifarişini bilən media işçiləri də  bu işin təşkilində bizə yaxından yardımçı olurlar. Ötənilki müsabiqədə verilən təkliflər çeşidləndi və xüsusi buraxılışda aidiyyəti dövlət qurumlarına ünvanlandı. Builki müsabiqəyə yeni bir nominasiyanı "videosüjet"i əlavə etdik. Hesab edirik ki, bu istiqamətdə həyata keçirilən tədbirlər bundan sonra da davam etdiriləcək".
 
Bundan sonra qalib gələn iştirakçılar diplom və hədiyyələrlə mükafatlandırıldı.
 
"Ən yaxşı məqalə" nominasiyası üzrə:
 
I yer: İlhamə İsabalayeva
II yer: Elnarə Kərimova
III yer: Ramin İlyasov
IV yer: İsmayıl İsmayılov
V yer: Nümunət Əmrallı
 
"Ən yaxşı videomaterial" nominasiyası üzrə:
 
I yer: Səkinə Zeynalova
II yer: Nicat Abdullayev
III yer: Jalə Quliyeva

Qeyd edək ki, "Mənim Elektron Hökumətim" məqalə və video süjet müsabiqəsinin mükafat fondu aşağıdakı kimi müəyyən edilmişdir:


 

"Ən yaxşı məqalə" üzrə

"Ən yaxşı video material" üzrə

1-ci yer - 2500 manat

2-ci yer - 1500 manat

3;4;5 yer - noutbuk

1-ci yer - 2500 manat
2-ci yer - 1500 manat
3-cü yer – noutbuk
 




Qeyd edək ki, tədbirdə elektron hökumətin təbliğində yaxından iştirak edən Gənclər Təşkilatları Milli Şurasının bir neçə üzvünə elektron imza hədiyyə edilib.
 
 
Seymur Qasımbəyli
 



Baxış sayı: 909

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






27 Fevral 2020

27/02/20
“Samsung” məlumatların mühafizəsi üçün yeni çip təqdim edib

Müasir smartfonların qarşısında ciddi təhlükəsizlik tələbləri qoyulur. Bir çox qurğular məxfi informasiy

27/02/20
Dünyada ən çox yüklənən proqram hansıdır?

“Facebook” şirkətinə məxsus “WhatsApp” messenceri artıq dünyada ən çox yüklənən proqram deyil. “S

27/02/20
“MWC 2020” sərgisinin ən yaxşı smartfonu açıqlanıb

“Mobile World Congress 2020” sərgisinin təşkilatçıları "Ən yaxşı smartfon" nominasiyasında qalibi elan e

27/02/20
“Huawei P40 Lite” smartfonu təqdim edilib

Çinin “Huawei” şirkəti “P40” və “P40 Pro” qabaqcıl smartfonlarının təqdimatından bir ay əvvəl bu istehsal x

27/02/20
Dünyanın ən güclü smartfonunun xüsusiyyətləri açıqlanıb

“Xiaomi Black Shark 3” oyun smartfonu ən sürətli reaksiyaya malik ekranla təchiz ediləcək. Bu barədə Çini

27/02/20
“LG V60 ThinQ 5G” smartfonu təqdim edilib

“MWC 2020” sərgisini buraxmalı olan “LG” şirkəti “LG V60 ThinQ 5G” adlı qabaqcıl smartfonunu Cənubi Ko

27/02/20
“Samsung” smartfonlar üçün rekord tutumlu operativ yaddaşın istehsalına başlayıb

“Samsung” şirkəti 16 giqabayt tutumlu “LPDDR5” yaddaş çiplərinin kütləvi istehsalına başlayıb.

27/02/20
“SpaceX” şirkətinə Marsa uçacaq kosmik gəminin hazırlanması üçün obyektin inşasına icazə verilib

“SpaceX” özəl aerokosmik şirkətinə “Starship” planetlərarası kosmik gəmisinin yaradılması üzrə layihənin

27/02/20
“Nokia” növbəti əfsanəvi telefonun yenilənmiş versiyasını buraxacaq

“Nokia” şirkəti növbəti əfsanəvi telefonun yenilənmiş versiyasını buraxmaq niyyətindədir. Bu barədə Finla

26 02 2020

26/02/20
Xocalı faciəsi ilə bağlı "İKT Lab" və Ailə, Qadın və Uşaq Problemləri üzrə Dövlət Komitəsi maarifləndirici tədbir keçirib

Bu gün Xocalı faciəsinin 28-ci ildönümü ilə bağlı Nəqliyyat, Rabitə və Yüksək Texnologiyalar Nazirliyinin

26/02/20
“Samsung” şirkəti “Galaxy M31” smartfonunu təqdim edib

“Samsung” şirkəti 4 kameralı və 6000 milliamper/saat tutumlu batareya ilə təchiz edilmiş “Galaxy M31” sma

26/02/20
2019-cu ilin ən populyar smartfonu məlum olub

“Omdia” tədqiqat şirkətinin məlumatına görə, 2019-cu ildə ən çox satılan smartfon 2018-ci ildə təqdim edi

26/02/20
Kassasız və növbəsiz ilk supermarket istifadəyə verilib

ABŞ-da “Amazon” şirkətinin ilk tamamilə avtomatlaşdırılmış supermarketinin rəsmi açılışı olub. Kassa apar

26/02/20
Ağrı hiss edən robot nümayiş etdirilib

Yaponiyanın Osako Universitetinin mühəndisləri “Affetto” robotunun təkmilləşdirilmiş versiyasını təqdim e

26/02/20
Yeni optik rabitə texnologiyası “5G” protokolu üzrə məlumatların ötürülmə sürətini iki dəfə artıracaq

Koreyalı alimlər tərəfindən təqdim edilmiş yeni optik rabitə texnologiyası “5G” protokolu üzrə məlumat

26/02/20
Aİ-nin yeni qanun layihəsi smartfonların akkumulyatorunu əvəzləməyi sadələşdirəcək

Avropa Parlamenti istehsalçıları smartfon akkumulyatorlarının əvəzlənilməsini sadələşdirməyə məcbur edəcə

26/02/20
Süni intellekt üçün etik prinsiplər qəbul olunub

ABŞ Müdafiə Nazirliyi silahlanmada süni intellektdən istifadə üzrə etik prinsipləri rəsmən qəbul edib.

26/02/20
“Samsung” bükülən smartfonlar istehsalını dayandırıb

“Samsung” şirkəti Cənubi Koreyanın Kumi şəhərində yerləşən elastik smartfonlar istehsalı zavodunu müvəqqə

26/02/20
“iPhone” istifadəçilərinin fərdi məlumatları təhlükə altındadır

Proqramçı Tommi Misk “iOS” əməliyyat sistemi üçün əlavələrə “iPhone” və ya “iPad” qu