12px13px15px17px
Tarix:20/12/14

“Samsung”un “ChatOn” messenceri “WhatsApp” və “iMessage” tərəfindən rəqabətə uduzdu

Cənubi Koreyanın “Yonhap News” xəbər agentliyi yazır ki, “Samsung” şirkəti “ChatOn” messencerini bağlamaq qərarı verib. 2015-ci il fevralın 1-dən “ChatOn” messencerinin fəaliyyəti dayandırılacaq.
 
"ICTnews" elektron xəbər xidməti “macdigger.ru” saytına istinadən bildirir ki, “ChatOn” messenceri 2011-ci ildə istifadəyə verilib. Bu messencerin köməyi ilə çatda "təkbətək" rejimində və ya qrupda mesajlaşmaq olar. Xüsusi animasiyalı mesaj yaratmaq, əllə qeydlər yazmaq və fotoşəkillər çəkmək, şəkil və musiqini göndərmək imkanı var.
 
“ChatOn” messencerinin özəlliyi onun universallığıdır. “Samsung”un həlli “iOS”, “Android”, “BlackBerry” daxil olmaqla bütün platformalarda, həmçinin kompüterdə işləyə bilər.
 
Bununla belə, “ChatOn” messenceri geniş populyarlıq əldə etməyib və onun bazar payı cüzidir.
 
Emil Hüseynov
 



Baxış sayı: 816

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024