12px13px15px17px
Tarix:05/01/15

Tayvan şirkəti “5G” şəbəkəsinə 125 milyon dollar yatıracaq

Tayvanın “Foxconn” adı ilə tanınan "Hon Hai Precision Industry” elektronika istehsalçısı beşinci nəsil şəbəkəsinin (5G) inkişafına 4 milyard Tayvan dolları (126,2 milyon ABŞ dolları) məbləğində investisiya yatırmaq niyyətindədir. Bu texnologiya ilə şirkətin 200-ə yaxın texniki mütəxəssisi məşğul olacaq.
 
Şirkət pul və kadr resurslarının ayrılması ilə yanaşı, Avropanın “Ericsson” telekommunikasiya avadanlığı istehsalçısı ilə tərəfdaşlıq əlaqələri quraraq 2016-2018-ci illərdə onunla birlikdə “5G” standartını inkişaf etdirmək istəyir. Texnologiyanın inkişafı ilə paralel olaraq "Samsung Electronics” və “Huawei” şirkətləri də məşğuldur.
 
“Foxconn”un məqsədi “5G”-nin mənimsənilməsində lider olmaq və bu işdə Tayvanın operator və istehsalçılarını qabaqlamaqdır. Planın həyata keçirilməsi üçün şirkət Tayvan hökumətindən yardım istəyib və tərəfdaşlar axtarmağa başlayıb.
 
Tayvan istehsalçısı artıq bir sıra telekommunikasiya həlləri təklif edir və rabitə bazarında iş üçün lazım olan bütün lisenziyalara malikdir.
 
Məlumat üçün bildirək ki, “5G” şəbəkəsinin kommersiya istifadəsinə 2020-ci ildə başlanacaq. Bu şəbəkənin buraxılış qabiliyyəti “3G” ilə müqayisədə min dəfə çox olmaqla enerji sərfiyyatını 10 dəfə azaldacaq, - "DailyComm” yazır. 



Baxış sayı: 690

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024