12px13px15px17px
Tarix:05/01/15

“International CES 2015” sərgisi işə başladı

“International CES 2015” – beynəlxalq elektronika sərgisi işə başlayıb.

“EchoStar”, “Intel”, “Microsoft”, “Motorola”, “Panasonic”, “Philips”, “Samsung”, “Sony”, “Toshiba” kimi tanınmış şirkətlərin iştirakı, həmçinin xeyli sayda ziyarətçi sərginin əhəmiyyətini göstərir.
Bu sərgi ilk dəfə 1967-ci ildə Nyu-Yorkda keçirilib. 200 eksponent sərgidə öz məhsulunu nümayiş etdirib. O vaxtdan etibarən sərginin əhəmiyyəti xeyli artıb. “International CES” dünyanın bütün mütəxəssislərini bir araya toplayır.
 
Təxminən 300 görüş, 900 ekspert, ən yeni trend və mövzuların müzakirəsi... Sərgi dünyanın 130-dan çox ölkəsindən pərakəndə ticarətçi, xidmət tədarükçüləri, əyləncə sənayesi direktorları, sahibkarları, mühəndisləri, hökumət və media nümayəndələrini cəlb edir.
“International CES 2010” sərgisi 300000 kvadrat metrdən böyük əraziyə dünyanın 130 ölkəsindən 2500 eksponent toplayıb. Sərgini 126600 nəfər ziyarət edib.
 
2013-cü ildə sərgidə 150 ölkədən 152759 ziyarətçi-mütəxəssis qeydə alınıb. 178370 kvadrat metr ərazini tutan sərgidə 3250 iştirakçının ekspozisiyaları yerləşdirilib.
 
“International CES 2014” sərgisinin sahəsi 186000 kvadrat metr olmaqla  rekorda imza atıb. Təxminən 3250 iştirakçının innovasiyaları nümayiş olunub. Sərgini 150 min nəfər ziyarət edib.
 
2015-ci ildə sərgi “Sands Expo Convention Center”də baş tutacaq və daha böyük ərazini əhatə edəcək. Sərgi 6-9 yanvar tarixlərində keçiriləcək.
 
“International CES” sərgisinin profili:
  • Audio
  • Kompüter avadanlıqları və proqram təminatı
  • Əyləncə
  • Elektron oyunlar
  • İnternetə əsaslanan multimedia sistemləri
  • Video
  • Simsiz qurğular
  • Telekommunikasiya infrastrukturu
  • Təsvirin rəqəmli surəti
 
Emil Hüseynov
 

 
 



Baxış sayı: 839

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024