12px13px15px17px
Tarix:12/01/15

“Microsoft” “Windows 7” platformasının əsas dəstəyini dayandırır

13 yanvar 2015-ci il tarixində populyar “Windows 7” əməliyyat sisteminin (ƏS) əsas dəstəyi dayandırılacaq. Bu gün “Microsoft” şirkəti ƏS-nin geniş dəstək mərhələsinə keçəcək. Ev istifadəçiləri artıq yalnız təhlükəsizlik və kritik boşluqlar üzrə yenilənmələr yükləyə biləcəklər.

"ICTnews" elektron xəbər xidməti “tech.onliner.by” saytına istinadən bildirir ki, geniş dəstək mərhələsinə keçid o deməkdir ki, əməliyyat sistemində hər hansı yenilik olmayacaq, platformanın interfeysi, həmçinin dəyişməz qalacaq. “Windows 7” platformasının geniş yeniləməsi “Microsoft”un əlavə razılaşma imzalamış biznes kliyent və təşkilatlarına veriləcək.

2014-cü ilin dekabrına görə, “Windows 7” ƏS-nin bazar payı 56,26 faiz təşkil edib, 18,26 faiz göstəriciyə malik “Windows XP” platforması ikinci yeri tutub. “NetApplications” tədqiqat şirkətinin məlumatına görə, 2014-cü ilin sonunda “Windows” ƏS-nin ümumi payı 91,45, “OS X”-də 7,21, “Linux”da isə 1,34 faiz təşkil edib.


Emil Hüseynov



Baxış sayı: 951

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024