12px13px15px17px
Tarix:14/01/15

“Google Play” onlayn mağazası tətbiqlərin sayına görə “App Store”ni qabaqlayıb

Mobil proqram bazarını təhlil edən “appFigures” tədqiqat firmasının hesabatına əsasən, 2014-cü ildə “Google Play” onlayn mağazası tətbiqlərin sayına görə “App Store”ni qabaqlayıb.

Ötən ilin sonunda “Android” proqram kataloqunda 1,43 milyon, halbuki “App Store” onlayn mağazasında 1,21 milyon mobil tətbiq var.

"ICTnews" elektron xəbər xidməti “macdigger.ru” saytına istinadən bildirir ki, eyni zamanda "alma" şirkətinin ekosistemi planşet kompüterləri üçün tətbiqlər baxımından “Android” mobil platformasını xeyli qabaqlayır, çünki “iPad” üçün tətbiqlərin sayı 500 mini ötür. Faktiki olaraq müasir planşet bazarını yaratmış “Apple” korporasiyası 2010-cu ildən bu seqmentdə liderdir. Ancaq son zamanlar istehsalçı rəqiblər tərəfindən təzyiqə məruz qalıb.

Analitiklər bildirir ki, 2014-cü ildə “Android” platforması üçün öz məhsullarını dərc etmiş tərtibatçıların sayı aktiv artıb. Hazırda “Google Play” onlayn mağazasında 388 min tərtibatçı qeydə alınıb, halbuki ötən ilin iyulunda onların sayı 293 min olub. 2014-cü ilin ikinci yarısında aktivlik artıb.

Emil Hüseynov
 



Baxış sayı: 889

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024