12px13px15px17px
Tarix:16/01/15

“Qualcomm” yeni riskli layihəni maliyyələşdirmək niyyətindədir

“Virgin Group” və “Qualcomm” şirkətləri yüksəksürətli, qlobal internetə çıxış təmin edəcək  648 peykdən ibarət şəbəkənin yaradılmasını nəzərdə tutan riskli layihəni maliyyələşdirmək niyyətindədirlər.

“ICTnews” xəbər xidmətinin məlumatına əsasən,  “Virgin Galactic”in ilk kosmik aparatı ötən il sınaq uçuşu zamanı dağıdılıb. Hazırda “OneWeb” kimi fəaliyyət göstərən “World Vu Satellites Limited” şirkəti potensial istehsalçılardan təklifləri nəzərdən keçirir.

Ümumi dəyəri 1,5-2 milyard dollar olacaq peyk şəbəkəsi bütün dünyanı yüksəksürətli internet və telefon servisləri ilə təmin etmək məqsədi ilə yaradılır.

Kosmik aparatlar ümumilikdə 136 kiloqramdan az  çəkidə olacaqlar və orbitdə yer üzündən 1,207 kilometr məsafədə mövqe tutacaqlar. Şirkət hazırda internet servislər üçün geniş diapazonda radioyayım xidmətləri göstərir.

"OneWeb” sistemi qlobal səviyyədə mobil operatorlar şəbəkəsini genişləndirəcək. Şirkət bu məqsədlə yerli operatorlarla əməkdaşlıq etmək niyyətindədir.


Aynur Vəliyeva



Baxış sayı: 780

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024