12px13px15px17px
Tarix:03/02/15

Elektron ödənişlərin 26 faizi mobil qurğuların payına düşür

“Adyen” ödəniş sistemi tərəfindən dərc edilən məlumatlara görə, yaxın vaxtlarda mobil kommersiya adi internet mağazalarında edilən alış-verişin həcmini ötəcək.
 
Şirkətin müştərilərin üstünlüklərinə əsaslanaraq tərtib etdiyi mobil ödənişlər indeksi 26 faizə bərabərdir. Mobil qurğular vasitəsilə məhz bu qədər elektron ödəniş həyata keçirilir.
 
Mobil ödənişlərin payı ödəniş sisteminin tədqiqata başladığı gündən ilk dəfə 25 faizlik həddi üstələyib. “Adyen” 2013-cü ilin iyunundan rüblük mobil ödənişlər indeksini qeydə alır.
 
“Adyen”in kommersiya direktoru tədqiqatın nəticələrini şərh edərək bildirib ki, mobil hesablaşmaların sayının artmasına elektron ticarətin müxtəlif sektorlarında, o cümlədən pərakəndə satış, bilet alışı, oyunlar, rəqəmli kontent sahəsində uğur sayəsində nail olunub.
 
Rəhbər qeyd edib ki, birinci rübdə elektron ticarət bazarına yenicə daxil olan müəssisələrin çoxu əvvəlcə elektron mağazanın mobil versiyasını hazırlamağa üstünlük veriblər.
 
İstifadəçilər internetdə daha çox “Аpple” qurğuları vasitəsilə alış-veriş edirlər. Belə ki, alışların ümumi məbləğinin 34 faizi “iPad” planşetinin payına düşür. “iPhone” smartfonundan internetdə malların alışı üçün 32,3 faiz halda istifadə edilir. “Android” əməliyyat sisteminin idarəetməsi ilə işləyən telefonlarla alış-verişin 25,3 faizi həyata keçirilir. Bununla belə, bu, “Android” sistemli smartfonlar üçün xeyli artım deməkdir, çünki bir il əvvəl - 2003-cü ilin dördüncü rübündə göstərici 20 faizdən çox olmayıb.
 
Tədqiqat müəllifləri qeyd edirlər ki, elektron kommersiya bazarı zaman keçdikcə daha mobil olacaq, - "Payspacemagazine yazır.



Baxış sayı: 611

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024