12px13px15px17px
Tarix:09/02/15

ABŞ-da yeni federal İT direktoru təyin edilib

ABŞ hakimiyyəti “VMware” şirkətinin baş vitse-prezidenti, daha əvvəllər “Microsoft”, “Walt Disney” və “General Motors” şirkətlərində İT departamentlərinə rəhbərlik etmiş Toni Skottu informasiya texnologiyaları üzrə federal direktor vəzifəsinə təyin edib. Müvafiq sərəncamı Prezident Barak Obama imzalayıb.
 
T.Skott 2016-cı maliyyə ili üçün planlaşdırılan həcmi 86,4 milyard dollar (cari maliyyə ili ilə müqayisədə 2,7 faiz çox) təşkil edən ABŞ İT büdcəsinin icrasına məsul olacaq. 
 
Bu vəsaitlərə Müdafiə Nazirliyinin İT layihələri üçün 30,7 milyard dollar, səhiyyə və sosial təminatın informasiyalaşdırılmasına 11,4 milyard dollar, daxili təhlükəsizlik sahəsində layihələrə 6,2 milyard dollar, Maliyyə Nazirliyinin informasiyalaşdırılmasına 4,5 milyard dollar və ABŞ Veteranlar İşləri üzrə Nazirliyin İT sistemlərinə 4,4 milyard dollar daxildir.
 
ABŞ hakimiyyətinin 2016-cı maliyyə ili üçün İT sahəsində prioritetlərindən biri 25 iri federal idarənin hər birində texniki mütəxəssislər qruplarının yaradılmasından ibarətdir. Büdcə layihəsinə əsasən, qruplar əhaliyə göstərilən xidmətin keyfiyyətini artırmağa imkan verəcək innovasiya texnologiyalarının və texniki üsulların tətbiqi ilə məşğul olacaq. Bu məqsədlərə 105 milyon dolların sərf olunması nəzərdə tutulur.
 
ABŞ-ın İT üzrə keçmiş federal direktoru Stiven Van Rokel vəzifəsini 2014-cü ilin sentyabrında tərk edib. O vaxtdan vəzifə səlahiyyətlərini onun müavini Liza Şlosser icra edib. Van Rokel İT üzrə federal direktor vəzifəsinə 2011-ci ildə təyin edilib. Ondan əvvəl bu vəzifəni Vivek Kundra tutub, - "CNews yazır.
 
 



Baxış sayı: 639

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024