İKT

Tarix:17/02/15

2014-cü ildə 1 milyard fərdi məlumat oğurlanıb

2014-cü ildə məlumat sızmalarının sayı 49 faiz artıb. Ümumilikdə il ərzində bir milyarda yaxın məlumat ələ keçirilib. Bu barədə “Gemalto” şirkətinin hesabatında deyilir.

Ötən il geniş yayılmış məlumat sızması kateqoriyası identifikasiya məlumatlarının oğurlanması olub.

“Gemalto” məlumat sızması indeksi (BLI) üzrə son hesabatı təqdim edib. Hesabata əsasən, 2014-cü ildə dünyada 1500 məlumat sızması qeydə alınıb.

Əldə olunan məlumatlar sübut edir ki, 2013-cü illə müqayisədə məlumat sızması hallarının sayı 49 faiz, oğurlanan və ya ələ keçirilən məlumatların sayı 78 faiz artıb.

Fərdi məlumatların oğurlanması sayının müşahidə olunan artım tendensiya ilə yanaşı, 2014-cü ildə məlumat sızmasının xarakteri də ciddiləşib. Bundan başqa, 100 milyon məlumatın ələ keçirilməsi ilə nəticələnən məlumat sızmalarının sayı 2013-cü illə müqayisədə iki dəfə artıb, - “Qazeta.ru” yazır.

Baxış sayı: 611