12px13px15px17px
Tarix:18/02/15

Bakıda “Startup AddVenture” konfransı keçiriləcək

Fevral ayının 24-də Bakıda “Startup AddVenture” konfransı keçiriləcək. “CCC Startups” və “Khazar Ventures” şirkətlərinin təşkilatçılığı ilə təşkil edilən konfrans tədris proqramı və startap müsabiqəsindən ibarət olacaq.
 
Tədbirdə “Silicon Valley” və Avropanın ən tələb olunan təlimçiləri iştirak edəcəklər.
 
Konfransla yanaşı, startaplar arasında müsabiqələr keçiriləcək, qalib layihələr həm investisiya, həm də qlobal tədbirlərə çıxış imkanları qazanacaqlar.
 
Təşkilat Komitəsindən qeyd edilib ki, “Startup AddVenture” konfransı Bakıya ən peşəkar startap mütəxəssislərini gətirəcək. Bir gün ərzində keçiriləcək tədbirdə bir neçə təlimçi, o cümlədən “Techcrunch”-ın redaktoru Mayk Butçer, “Virgin Group”-un rəqəmsal marketinqi üzrə keçmiş rəhbəri Aleks Hunter; “Badoo”-nun istifadəçi sayının 100 milyona çatdırılmasına kömək edən Maykl Qir, “HP” şirkətinin daşınan texnologiyaları üzrə rəhbəri Sridhar Solur; “CCC Startups”-ın əsas əməkdaşları Vitaliy M. Golomb, Mayk Rayner, Maks Gurvets və başqaları iştirak edəcək. Konfransda digər peşəkar sahibkarların, yerli ulduz və investorların çıxışları da nəzərdə tutulub.
 
Konfransa qatılmaq üçün biletləri “nail@khazarventures.com” ünvanı və ya +994557817361 nömrəsi ilə əldə edə bilərsiniz.
 
 
Həqiqət İSABALAYEVA



Baxış sayı: 570

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024