12px13px15px17px
Tarix:18/02/15

“Snapchat” startapı yeni sərmayə axtarışındadır

"Snapchat" 500 milyon dollar dəyərində sərmayə cəlb etmək istəyir, bu addım mobil mesaj şirkətinin  qiymətləndirilməsini 19 milyard dollara çatdıracaq.
 
"ICTnews" xəbər xidmətinin "Bloomberg"ə istinadən verdiyi məlumata əsasən, 2013-cü ildə "Facebook İnc"in  3 milyard dollara almaq istədiyi şirkətin son qiymətləndirməsi onun sürətlə genişlənməsinə səbəb olub.
 
Ötən maliyyə ilinin nəticələrinə əsasən, "Snapchat"ın fəaliyyəti 10 milyard dollar dəyərində qiymətləndirilir. Hazırda şirkətin idarə heyəti  fond idarəçiləri ilə danışıqlar aparır.
 
"Bloomberg" qeyd edir ki, sözügedən sərmayə baş tutsa, "Snapchat" 16-19 milyard dollar dəyərində qiymətləndirilə bilər.
 
Kəskin surətdə qiymət artımı ilə yanaşı, "Snapchat" yeni istifadəçi bazasının və servislərinin genişləndirilməsini hələ də  davam etdirir. Keçən ay CNN və ESPN kimi kütləvi informasiya xidmətlərinin video və məqalələri artırılıb. Bu isə "Snapchat"ı rəqib kimi "Facebook İnc" və "Twitter Inc"ə daha da yaxın edir.
 
Qeyd edək ki, qapalı səhmləri olmayan ən bahalı startapların siyahısında "Snapchat" 19 milyard dollar qiymətləndirilməsi ilə 3-cü yerdədi.
 
Aynur Vəliyeva
 



Baxış sayı: 566

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024