12px13px15px17px
Tarix:18/02/15

2018-ci ilədək qlobal mobil videoreklam xərcləri 12 milyard dollara çatacaq

2018-ci ilədək ABŞ-da mobil videoreklam bazarının həcmi 4 dəfə artaraq 6 milyard dollara çatacaq. 2018-ci ildə ABŞ-da mobil videoreklama xərclər 6 milyard dollar təşkil edəcək.

Xatırladaq ki, 2014-cü ildə bu göstərici 1,5 milyard dollar olub. Bu haqda “Inneractive” şirkətinin tədqiqatına istinadən “Techcrunch” nəşri yazıb. Bu halda 2018-ci ilədək müvafiq qlobal videoreklam xərcləri 12 milyard dollar təşkil edəcək.

"ICTnews" elektron xəbər xidməti “gazeta.ru” saytına istinadən bildirir ki, tədqiqat müəlliflərinin fikrincə, internetin sürətinin və nüfuzetmə səviyyəsinin artımı, həmçinin “4G” smartfon istifadəçilərinin sayının artımı sayəsində mobil reklam bazarı çox sürətli inkişaf edəcək.

Bundan başqa, sözügedən bazarın inkişafına təkan mobil proqramlarda videoreklamların populyarlaşmasına səbəb olacaq.

Videoreklamların populyarlığının artmasına daha bir səbəb planşet və fabletlərin geniş yayılması olacaq. Belə ki, 2014-cü ildə ABŞ-da 123 milyon planşet istifadəçisi qeydə alınıb ki, onların 113 milyonu ən azı ayda bir dəfə qurğularında videoreklam izləyib. Tədqiqatçıların proqnozuna görə, 2018-ci ilədək 171 milyon planşet sahibindən təxminən 149 milyonu müntəzəm olaraq öz qurğularında videoreklam izləyəcək.

Emil Hüseynov
 
 



Baxış sayı: 634

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024