12px13px15px17px
Tarix:19/02/15

Yeni optik disk formatı “Ultra HD Blu-ray” adlanacaq

"Blu-ray Disc Association" təşkilatının rəhbərliyi təsdiqləyib ki, "Blu-ray" disklərinin yeni formatı "Ultra HD Blu-ray" adlanacaq.
 
"ICTnews" elektron xəbər xidməti "ixbt.com" saytına istinadən bildirir ki, cari ilin ortalarında yeni formatın lisenziyalaşdırılmasına başlanılacaq. Assosiasiyadan hesab edilir ki, ilk "Ultra HD Blu-ray" diskləri ilin sonunadək hazır olacaq. Xatırladaq ki, "CES 2015" sərgisində "Panasonic" şirkəti "4K" və "HDR" təsvir ölçülü videoları dəstəkləyən dünyanın ilk "Blu-ray" disk oxuducusunu nümayiş etdirib.
 
Yeni format saniyədə 60 kadr sürətlə 3840x2160 piksel təsvir ölçülü videonu göstərə bilər və "HDR" texnologiyası təsvirin kontrastlığının artımı üçün nəzərdə tutulub.
 
Formatın özünə gəlincə, "HEVC" ("High Efficiency Video Coding") və ya "H.265" kodekindən istifadə olunur və axının sürəti 100 Mbit/s-yə çatır. Axının yüksək sürəti və onunla bağlı təsvirin yüksək keyfiyyətini "Ultra HD Blu-ray" formatının axın yayımı xidmətləri üzərində üstünlüklərindən biri kimi hesab etmək olar.
 
Diskin həcmi hələ açıqlanmayıb. Gözlənilir ki, disklər ikiqatlı (66 QB) və üçqatlı (100 QB) olacaq.
 
"Ultra HD Blu-ray" disklərinin oxudulması üçün yeni oxuducular lazımdır.
 
Emil Hüseynov



Baxış sayı: 618

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024