12px13px15px17px
Tarix:02/03/15

İstifadəçini göz almacığı ilə eyniləşdirən ilk smartfon nümayiş etdirilib

Barselonada keçirilən sərgidə birinci gün bütün diqqət “Samsung” və “HTC” şirkətlərinin yeni qabaqcıl smartfonlarına köklənib. Bununla belə, Çinin “ZTE” şirkəti maraqlı qurğu təqdim edib. “Grand S3” istifadəçini göz almacığı ilə eyniləşdirən dünyada ilk smartfondur.

"ICTnews" elektron xəbər xidməti “macdigger.ru” saytına istinadən bildirir ki, texnologiya “Eyeprint ID” adlanır və ağ ekranı özünə daxil edir. Ağ ekran gözlərə işıq salır və ön kamera gözü skan edir. Bu proses təxminən 800 ms vaxt alır. Hələ ki bu prosedur yalnız smartfonun blokdan çıxarılması üçün istifadə olunur, hərçənd gələcəkdə bu texnologiya mobil ödənişlərə və məxfi informasiyaya giriş üçün tətbiq ediləcək. “ZTE” şirkəti “EyeVerify” texnologiyasını “Grand” istehsal xəttinə məxsus başqa aparatlarda tətbiq etməyə söz verib.

“Grand S3” aparatı “Full HD” təsvir ölçülü 5,5 düymlük ekran və 2,5 QHs takt tezlikli “Qualcomm Snapdragon 801” prosessoru ilə işləyir. Əməli yaddaşın həcmi 3 QB, fləş yaddaşın həcmi 16 QB-dır, “microSD” slotu quraşdırılıb. Əsas kameranın təsvir ölçüsü 16, ön kamerada 8 meqapikseldir. Aparata “Android 4.4” mobil əməliyyat sistemi quraşdırılıb. Akkumulyatorun tutumu 3100 milliamper/saatdır, korpusun qalınlığı 9,8 mm-dir.

“Grand S3” aparatı yaxın vaxtlarda 510 manata satışa çıxarılacaq.

Emil Hüseynov
 



Baxış sayı: 596

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024