12px13px15px17px
Tarix:12/03/15

“Apple” Birləşmiş Ərəb Əmirliklərində üç mağaza açacaq

ABŞ-ın “Apple” şirkəti bu ilin sonunadək Birləşmiş Ərəb Əmirliklərində (BƏƏ) üç "Apple Store” pərakəndə satış şəbəkəsi açmağı planlaşdırır. Məlumata görə, mağazaların ikisi Dubayda, biri paytaxt Əbu-Dabidə istifadəyə veriləcək.
 
“Apple” BƏƏ-də mağazaların açılması ilə bağlı rəsmi bəyanat verməsə də, qeyri-rəsmi məlumatlara görə, dünyanın ən böyük mağazası yaxın iki ay ərzində "Mall of the Emirates” ticarət mərkəzində açılacaq. Bildirilir ki, Dubaydakı yeni “Apple Store” böyüklüyünə görə Nyu-Yorkda yerləşən və ərazisi 2070 kv.m, ştatı 300 nəfər təşkil edən "Grand Central” mağazasını geridə qoyacaq.
 
Qeyd olunur ki, ikinci mağaza Əbu-Dabidə "Yas Mall” ticarət mərkəzində, üçüncü populyar “Downtown Dubai” rayonunda istifadəyə veriləcək.
 
Ötən ilin fevralında “Apple” şirkətinin baş direktoru BƏƏ-də səfərdə olaraq ölkədə ilk "Apple Store” mağazasının açılmasını müzakirə edib, - "Macdigger” yazır.



Baxış sayı: 586

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024