12px13px15px17px
Tarix:10/04/15

Peşəkarların şəbəkəsi təhsil sahəsinə 1.5 milyard dollar sərmayə qoyur

“LinkedIn” sosial şəbəkəsi “lynda.com” öyrədici saytını satın almaq üçün  1,5 milyard dollar məbləğində müqavilə imzalayıb.

"ICTnews" elektron xəbər xidməti “lenta.ru” saytına istinadən bildirir ki, sosial şəbəkə məbləğin 52 faizini nağd şəkildə, qalan hissəsini öz səhmləri ilə ödəyəcək. Tərəflər 2015-ci ilin ikinci rübündə müqaviləni bağlamağı planlaşdırırlar.

“LinkedIn” sosial şəbəkəsinin icraçı direktoru Cef Uiner deyib ki, hər iki internet resursu peşəkarlara öz fəaliyyət sahəsindəki nailiyyətlərini yaxşılaşdırmağa kömək etməklə oxşar funksiyalar yerinə yetirir.
2003-cü ilin mayında işə salınmış “LinkedIn” peşəkar şəbəkəsinin istifadəçilərinin sayı 340 milyondan çoxdur. Şirkətin heyəti 6800 nəfərdən ibarətdir.

1995-ci ildən işləyən “Lynda.com” saytının auditoriyası 4 milyon istifadəçidən ibarətdir. Resursun səhifələrində biznes sahəsi daxil olmaqla, minlərlə öyrədici kurs yerləşdirilib.

Emil Hüseynov
 

 



Baxış sayı: 606

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024