12px13px15px17px
Tarix:13/04/15

Artıq 254 elektron xidmətin inzibati reqlamentləri “Elektron hökumət” portalında yerləşdirilib

Hal-hazırda 254 elektron xidmət üzrə inzibati reqlamentlər “Elektron hökumət” portalında yerləşdirilib.
 
Rabitə və Yüksək Texnologiyalar Nazirliyinin Məlumat Hesablama Mərkəzindən verilən məlumata görə, digər xidmətlər üzrə də inzibati reqlamentlərin portalda yerləşdirilməsi üçün dövlət qurumları ilə birgə işlər görülür.
 
İnzibati reqlamentlərdə elektron xidmətin adı, məzmunu, hüquqi əsası, digər icraçılar, elektron xidmətin göstərilməsinin nəticəsi, inzibati prosedurları və s. kimi məlumatlar öz əksini tapır.
 
Nazirlər Kabinetinin müvafiq qərarına əsasən təsdiq edilmiş bütün e-xidmətlər üzrə inzibati reqlamentlər hazırlanaraq təsdiq edilməlidir.
 
 
Onu da qeyd edək ki, “Elektron hökumət” portalının mütəxəssisləri tərəfindən keçən ilin ortalarından başlayaraq bütün qurumların e-xidmətləri üzrə istifadəçi təlimatlarının hazırlanılmasına başlanılıb. Təxminən 200-ə yaxın istifadəçi təlimatı hazırlanaraq portalda “E-xidmətlər” bölməsində xidmətlərin qarşısında yerləşdirilib. Bundan əlavə bir sıra e-xidmətlərdən istifadə edilməsi qaydaları haqqında videotəlimatlar da hazırlanaraq portalda yerləşdirilib.
 
CAHANGİR
 



Baxış sayı: 757

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024