12px13px15px17px
Tarix:23/04/15

“Azərbaycanın Rəqəmsal Qızları: İKT-nin qadınların həyatındakı rolu” mövzusunda konfrans keçirilib

Rabitə və Yüksək Texnologiyalar Nazirliyi (RYTN), ADA Universitetinin  İT və Mühəndislik Məktəbi (SITE), Azərbaycanda Amerika Ticarət Palatası (AMCHAM) və “WoWoman” təşkilatının dəstəyi ilə Azərbaycan Qadınlarının İKT Klubu - “Femmes Digitales” “Azərbaycanın Rəqəmsal Qızları: İKT-nin qadınların həyatındakı rolu” mövzusunda konfrans keçirib.
 
Konfrans Beynəlxalq Telekommunikasiya İttifaqının (BTİ) yaradılmasının 150 illiyi ərəfəsində Azərbaycanda 23 aprel – İKT-də Qızlar Beynəlxalq Günü çərçivəsində təşkil olunub.
 
ADA Universitetində baş tutan və Azərbaycanda İKT sektorunda fəaliyyət göstərən 200-dən artıq qız və qadının iştirak etdiyi konfransda dövlət qurumlarının yüksəkvəzifəli şəxsləri, Azərbaycanda fəaliyyət göstərən beynəlxalq diplomatik təşkilatların nümayəndələri, yerli biznes sektorunu təmsil edən və İKT sahəsində çalışan şirkətlərin təmsilçiləri iştirak ediblər.
 
Tədbirdə çıxış edən rabitə və yüksək texnologiyalar nazirinin birinci müavini İltimas Məmmədov son illər ölkəmizdə İKT sektorunda həyata keçirilən genişmiqyaslı işlər barədə konfrans iştirakçılarını məlumatlandırıb.
 
Ölkəmizdə bu sahədə müşahidə olunan nailiyyətlərdən danışan nazir müavini əldə olunan uğurlarda qadınların xüsusi rolu olduğunu qeyd edib. O bildirib ki, digər sahələrdə olduğu kimi, rabitə və yüksək texnologiyalar sahəsində çalışan qadınlar da uğurlu fəaliyyətləri ilə seçilirlər.
 
“Bu gün dünyada ayrı-ayrı sahələrdə işləyən əhalinin 30 faizini qadınlar təşkil edir, ölkəmizdə isə bu rəqəm 33-34 faiz civarında dəyişir. Hazırda Rabitə və Yüksək Texnologiyalar Nazirliyində 2 xanım şöbə müdiri çalışır. Ölkənin poçt sektorunda işləyənlərin 60 faizini qadınlar təşkil edir. Avtomat Telefon Stansiyalarında (ATS) sorğu ilə çalışanların isə 90 faizi qadınlardır”- deyə nazir müavini vurğulayıb.
 
İ.Məmmədov həmçinin qeyd edib ki, bu gün bütün dünyada olduğu kimi, ölkəmizdə də əsas səylər qadınların bütün sektorlarda fəal iştirakını təmin etməyə yönəlib.
 
“Rabitə və Yüksək Texnologiyalar Nazirliyi olaraq qadınların sektorda fəaliyyətini təşviq etməyə və onların səmərəli fəaliyyətini stimullaşdırmağa hazırıq”- deyə nazirin birinci müavini qeyd edib.
 
Konfrans çərçivəsində Azərbaycan qızları və qadınları arasında informasiya-kommunikasiya texnologiyaları sektoruna dair məlumatlılıq səviyyəsinin yüksəldilməsi və bu sahəyə peşəkar marağın təşviq edilməsi, gənc qızların gələcək karyeralarını məhz İKT sahəsində qurmalarına  həvəsləndirilməsi, yerli biznes sektorunda çalışan İKT şirkətləri ilə qadınlar üçün karyera imkanlarının təqdim edilməsi istiqamətində dialoqun aparılması və s. kimi məsələlər ətrafında müzakirələr aparılıb.
 
Tədbir ərzində keçirilən ayrıca sessiyada iştirakçılar Azərbaycanda nüfuzlu şirkətlərdə rəhbər vəzifələrdə çalışan qadın mütəxəssislərinin uğur hekayələri ilə tanış olub, eləcə də İKT startapları sahəsində müvəffəqiyyətə çatmağın yolları barədə məlumat əldə ediblər.
 
 
Qeyd edək ki, Azərbaycan Qadınlarının İKT Klubu - “Femmes Digitales” sıralarında Azərbaycanda İKT sahəsi ilə bu və ya digər dərəcədə əlaqəli olan 60-dan artıq qız və qadını birləşdirən ilk peşəkar təşkilatdır.
 
Klubun yaradılmasında əsas məqsəd təsisçilərin öz şəxsi nümunələrindən çıxış etməklə və praktiki təlimlər vasitəsilə azərbaycanlı qızların və qadınların sürətlə inkişaf edən bu maraqlı sahə üzrə təhsil almaq və karyera qurmaq istəklərini və səylərini artırmaq, gündəlik həyatlarında informasiya texnologiyalarının verdiyi imkanlardan faydalanmağı öyrətmək və texnologiyaların nə qədər azadlıq və yeni imkanlar gətirdiyini, vaxta qənaət etdirdiyini gənc qızlara anlatmaqdan ibarətdir. 
 
 
Həqiqət İSABALAYEVA



Baxış sayı: 1112

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






01 Aprel 2020

31 03 2020

31/03/20
Nəqliyyat, Rabitə və Yüksək Texnologiyalar Nazirliyindən daha bir dəstək!

Nəqliyyat, Rabitə və Yüksək Texnologiyalar Nazirliyinin “Teleradio” İstehsalat Birliyi “Evdə qal” kampaniyasına

31/03/20
Koronavirusla mübarizə məqsədilə texnoloji həlləri bir araya gətirən “virtual hackathon”a qeydiyyat başladı

Koronavirus (COVID-19) pandemiyası ilə mübarizə məqsədilə texnoloji həlləri bir araya gətirmək üçün Nəqliyyat,

31/03/20
“Əşyalar interneti” avadanlığı bazarında illik 130% artım gözlənilir

“Juniper Research” analitik şirkəti “Əşyalar interneti (IoT)” üçün qlobal avadanlıqlar üzrə araşdı

31/03/20
“Microsoft” gözdən əlillər üçün virtual reallıq sisteminin təkmilləşdirilmiş versiyasını təqdim edib

“Microsoft” gözdən əllilər üçün virtual reallıq sisteminin təkmilləşdirilmiş versiyasını təqdim

31/03/20
Koronavirusu 5 dəqiqəyə aşkarlayan portativ qurğu hazırlanıb

ABŞ-ın “Abbott” şirkəti koronavirus infeksiyasını molekulyar analiz metodu ilə 5 dəqiqəyə diaqnozlaşdırma

31/03/20
“HONOR 30S” smartfonu təqdim edilib

Çində nümayiş etdirilmiş “HONOR 30S” smartfonu beşinci nəsil şəbəkələrini dəstəkləyən ən yeni prosessor,

31/03/20
“Windows 10” sistemində səhv internet bağlantısında problemlər yaradır

“Windows 10” əməliyyat sisteminin istifadəçiləri internetin işində fasilələrin yaranmasından şikayətlənmə

31/03/20
“Apple” koronavirus üzrə resurslar istifadəyə verib

“Apple” şirkəti bir sıra dövlət müəssisələri ilə birlikdə insanların koronavirus infeksiyası ilə bağlı və

31/03/20
Dünyanın ən populyar smartfonunun istehsalı dayandırılıb

Hindistanda “iPhone Xr” smartfonunun istehsalı dayandırılıb.

31/03/20
“HUAWEI” yeni internet standartını elan edib

“HUAWEI” şirkəti Çin dövlət provayderləri ilə birgə Beynəlxalq Telekommunikasiya İttifaqına mövcud həllər

31/03/20
Fiziki klaviaturaya malik cihaz təqdim edilib

Britaniyanın “Planet Computers” şirkəti 2000-ci illərin kommunikatoru və müasir smartfon arasında aralıq