İNTERNET

Tarix:07/05/15

“Milliön” terminallarında kredit kartları ilə ödəniş etmək mümkün olacaq

"Komtech" şirkəti yaxın zamanda terminallarında kredit kartlarının qəbulu funksiyasını aktivləşdirə bilər.
Şirkətdən "ICTnews" xəbər xidmətinə verilən məlumata əsasən, bu xidmət növü "Milliön" terminallarının hamısında mövcuddur, lakin bu günədək bu funksiyaya böyük tələbat olmadığına görə aktivləşdirilməyib.

"Biz terminallarımızda gələcəkdə kredit kartı vasitəsi ilə ödənişlərin qəbulu, elektron pul cüzdanı funksiyasını aktivləşdirməyi planlaşdırırıq. Bundan başqa, dövlət qurumlarının cərimələrinin terminallar üzərindən qəbulunun təşkili də nəzərdə tutulub", - deyə şirkətdən bildiriblər.

Yeraltı keçidlərdən yığışdırılan terminallarla bağlı şirkətdən bildiriblər ki, bu tədbirlərin əsas məqsədi bir sıra terminallarda yaranmış texniki problemlərin həlli və digər qurğularda profilaktik tədbirlərin görülməsi olub. Gələcəkdə onların yenidən keçidlərdə istismara verilməsi istisna edilmir.

Aynur Vəliyeva

Baxış sayı: 656