12px13px15px17px
Tarix:12/06/15

Azərbaycan Şərq Tərəfdaşlığı ölkələri ilə birgə regionda elektron elmin inkişafına öz töhfəsini verir

Şərq Tərəfdaşlığı ölkələrində elm sahəsində əməkdaşlığın inkişafı üçün yüksəksürətli internet şəbəkəsi yaradılır. Avropa Birliyi Şərq Tərəfdaşlığı ölkələrini elektron elm müstəvisində birləşdirən “EaPConnect” layihəsini maliyyələşdirir.
 
Avropa Komissiyası 11 iyun 2015-ci il tarixdə Lüksemburqda Şərq Tərəfdaşlığı (ŞT) ölkələrinin əlaqələrinin genişləndirilməsi məqsədilə GEANT təşkilatı ilə müqavilə imzalayıb. Layihənin tərəfdaşlarından biri olan AMEA İnformasiya Texnologiyaları İnstitutu (İTİ) Azərbaycanı təmsil edir. Tədbirdə AMEA-nın akademik-katibi, AMEA İTİ-nin direktoru, akademik Rasim Əliquliyev də iştirak edib.


Layihənin əsas məqsədi ŞT-yə üzv ölkələr arasında elm və təhsil sahələrində yüksəksürətli regional internet şəbəkəsinin yaradılmasıdır. Şəbəkə ŞT ölkələrinin Milli Elm və Təhsil Şəbəkələrini (METŞ) birləşdirərək onları Avropanın GEANT şəbəkəsinə inteqrasiya edəcəkdir.


Regionun 700-dən çox müəssisəsindən 2 milyon tədqiqatçı, alim və tələbənin bu şəbəkədən yararlanacağı gözlənilir. Yüksəksürətli genişzolaqlı şəbəkə elmi bazalara çıxış və böyük həcmli, etibarlı informasiya mübadiləsini təmin edərək beynəlxalq elmi əməkdaşlığa təkan verəcək. Bundan əlavə, “EaPConnect” layihəsi tələbə və tədqiqatçılar üçün Eduroam imkanlarını daha da genişləndirəcək.


“EaPConnect” layihəsi Şərqi Avropa və Cənubi Qafqazda regional elm və təhsil şəbəkəsinin yaradılması üçün hazırlanmışdır. Layihə 6 ŞT ölkəsinin milli elm və təhsil şəbəkələrini birləşdirərək onları Avropanın GEANT şəbəkəsinə inteqrasiya etdirmək məqsədi daşıyır. “EaPConnect” layihəsinin ümumi məqsədi rəqəmsal fərqin azaldılması, region daxilində qarşılıqlı əlaqələrin yaxşılaşdırılması və yerli alim, tələbə və tədqiqatçıların qlobal tədqiqat və təhsil əməkdaşlığında iştirakının asanlaşdırılmasına imkan yaratmaqdır.


2013-cü il tarixində ŞT çərçivəsində keçirilmiş Vilnüs sammitində Avropa İttifaqına (Aİ) üzv dövlətlər, o cümlədən 6 ŞT ölkəsinin rəhbərləri tərəfindən Ümumi Bilik və İnnovasiya Mühitinin yaradılması qərara alınmışdır. Mayın 22-də Riqada keçirilmiş son sammitdə dövlət başçıları rəqəmsal iqtisadiyyatı Aİ və tərəfdaşları üçün hələ istifadə olunmamış potensial sahə kimi tanımışdır. “EaPConnect” layihəsi bu çərçivədə elm və təhsil ictimaiyyətinə yeni imkanlar təqdim edəcək.


“EaPConnect” layihəsinin 5 il davam etməsi və 6 tərəfdaş ölkədə mövcud olan METŞ-ləri ilə birgə GEANT şəbəkə təşkilatı tərəfindən idarə olunması nəzərdə tutulur. Layihə xərclərinin 95 faizini Avropa Komissiyası təmin edir. Digər 5 faizi isə ŞT ölkələri tərəfindən qarşılanacaq.


GEANT Avropanın iqtisadi inkişaf və rəqabətliliyini artıraraq elm və təhsil naminə şəbəkə, elektron  infrastruktur və xidmətlər üzrə Avropanın aparıcı təşkilatıdır. GEANT Avropa, Aralıq dənizi, Afrika, Mərkəzi Asiya və Şərq Tərəfdaşlığı ölkələrinə xidmət edən elm və təhsil şəbəkə layihələrinin yaradılması və idarə olunmasında aparıcı rol oynayır.


Qeyd edək ki, Azərbaycan Şərq Tərəfdaşlığı təşəbbüsünə qoşularaq Avropa ilə əməkdaşlıq sahəsində yeni mərhələyə qədəm qoymuşdur. Bu əməkdaşlıq bütün istiqamətlər üzrə, o cümlədən informasiya cəmiyyəti və elektron elm quruculuğu sahəsində də böyük əhəmiyyət kəsb edir.


AMEA İnformasiya Texnologiyaları İnstitutu GEANT Assosiasiyası ilə sıx əməkdaşlıq edərək Azərbaycanın milli elm və təhsil şəbəkəsi olan “AzScienceNet”in sürətli inkişafına nail olmuşdur. Hazırda “AzScienceNet” elektron infrastrukturu üzərindən qabaqcıl şəbəkə texnologiyaları və xidmətləri AMEA-nın elmi müəssisə və təşkilatlarının bütün əməkdaşlarına təqdim edilir.


Azərbaycanın müvafiq dövlət qurumlarının (AMEA, Rabitə və Yüksək Texnologiyalar Nazirliyi, Təhsil Nazirliyi) rəsmi dəstəyi ilə GEANT Assosiasiyasında və onun tərəfdaş olduğu layihələrdə ölkəmizi AMEA İnformasiya Texnologiyaları İnstitutu təmsil edir.
 



Baxış sayı: 851

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






18 May 2021

17 05 2021

17/05/21
17 May Ümumdünya Telekommunikasiya və İnformasiya Cəmiyyəti Günüdür

17 May dünyada Telekommunikasiya və İnformasiya Cəmiyyəti Günü kimi qeyd olunur.

17/05/21
“Samsung” 5G dəstəkli ucuz “Galaxy A22” smartfonunu təqdim edəcək

“Samsung” şirkəti beşinci nəsil mobil şəbəkələrində işi dəstəkləyən ucuz smartfon təqdim etməyə hazırlaşı

17/05/21
Şifrləyici virus İrlandiyanın səhiyyə sistemini iflic edib

İrlandiyanın Səhiyyə Sistemi (Health Service Executive) şifrləyici virusun qurbanı olub. Virus informasiy

17/05/21
Azərbaycan kəndlərində ilk dəfə olaraq GPON texnologiyası əsasında şəbəkə qurulur

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Aztelekom” MMC tə

17/05/21
Zəif görənlər üçün sosial məsafəni qorumağa kömək edən mobil tətbiq hazırlanıb

“IBM” şirkətinin tədqiqatçıları tərəfindən zəif görən insanlar üçün hazırlanmış unikal proqram insanlar

17/05/21
Proqramlaşdırma dilləri üçün süni intellektli tərcüməçi yaradılıb

“IBM” şirkəti “Think 2021” konfransı çərçivəsində süni intellekt əsasında işləyən

17/05/21
“Alice” elektrik təyyarəsi ilk uçuşa hazırlaşır

“Eviation” İsrail-ABŞ şirkəti 11 nəfərlik sərnişin tutumuna malik “Alice” elektrik təyyarəsinin ilk sınaq

17/05/21
Qlobal noutbuk satışı 18 faiz artıb

Dünya noutbuklar bazarında artım koronavirus pandemiyası fonunda davam edir. “Strategy Analytics” şirkəti

17/05/21
Praqada Aİ-nin Kosmik Proqram Agentliyi fəaliyyətə başlayıb

Praqada Avropa İttifaqının Kosmik Proqram Agentliyi (EUSPA) fəaliyyətə başlayıb. O, baş ofisi 2012-ci ild