12px13px15px17px
Tarix:30/06/15

Fransada “Uber” rəhbərləri həbs edilib

Parisdə “Uber” onlayn taksi sifarişi xidmətinin iki rəhbəri nəzarət altına alınıb. Bu barədə “Le Monde” qəzeti məlumat verib.

 
“Uber France” şirkətinin baş direktoru Timbo Semfal və “Uber”in Avropa üzrə rəhbəri Pyer-Dimitri Qor-Koti “UberPOP” mobil əlavəsinin fəaliyyətinin təhqiqatı çərçivəsində saxlanılıb və informasiya texnologiyaları sahəsində cinayətkarlıqla mübarizə şöbəsinin nümayəndələri tərəfindən sorğu-sual edilib.
 

İyunun 29-da Fransa daxili işlər naziri Bernar Kaznev Paris taksilərinin yoxlanılması üçün əlavə 200 polis nəfərinin ayrılması ilə bağlı göstəriş verib. Sürücünün müvafiq lisenziya olmadan ödənişli xidmətlər göstərməsində şübhələr yaranacağı təqdirdə maşın həbs ediləcək.

 
Respublika Prezidenti Fransua Oland “UberPop” servisinin fəaliyyətinin qeyri-qanuni olması ilə bağlı qərarın qəbul edilməsini, onunla birlikdə işləyən avtomobillərin nəzarət altına götürülməsini tələb edib. B.Kaznev Paris polis rəisinə “UberPop” əlavəsinin fəaliyyətini qeyri-qanuni elan edən sərəncamın verilməsi xahişi ilə müraciət ünvanlayıb.

 
İyunun 24-də Parisdə və ölkənin bir neçə böyük şəhərində kütləvi iğtişaşlara çevrilən etiraz aksiyaları başlayıb.
 

1 yanvar 2015-ci ildə Fransada lisenziya olmadan sərnişindaşımaları ilə məşğul olmağı qadağan edən qanun qüvvəyə minib. 2014-cü ilin dekabrında Fransa Ali Məhkəməsi “Uber” fəaliyyətini qadağan etməkdən imtina edib.

 
Məlumat üçün qeyd edək ki, 2009-cu ildə yaradılan “Uber” şirkətinin mobil əlavəsi taksi və ya fərdi sürücüləri axtarmağa, sifariş və ödəniş etməyə imkan verir. 2014-cü ilin dekabrında şirkət 41 milyard dollar dəyərində 1,2 milyard dollarlıq investisiya cəlb edib, - "Lenta yazır.
 



Baxış sayı: 709

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024