12px13px15px17px
Tarix:09/06/11

«Texnologiyaların ötürülməsi» mövzusunda regional seminar keçirilir

Bakıda "Texnologiyaların ötürülməsi" mövzusunda ikigünlük regional seminar işə başlayıb. Tədbir Azərbaycan Standartlaşdırma, Metrologiya və Patent üzrə Dövlət Komitəsi (SMPDK) və Ümumdünya Əqli Mülkiyyət Təşkilatı tərəfindən təşkil olunub.
Seminarın açılışında çıxış edən Dövlət Komitəsinin patent şöbəsinin müdiri Miryaqub Seyidov qeyd edib ki, seminarın keçirilməsində əsas məqsəd texnologiyaların ötürülməsi sahəsində hüquqi münasibətlərə aydınlıq gətirmək, bu sahənin Azərbaycanda geniş şəkildə istifadə olunmasına şərait yaratmaqdır. «Ümumiyyətlə, rəqabətə davamlı məhsul istehsal etmək üçün, eləcə də texnoloji baxımdan inkişaf etmiş ölkə kimi dünya dövlətləri sırasına qatılmaq üçün texnologiyanın yaradılması, qorunması və ötürülməsi məsələləri mühüm əhəmiyyət kəsb edir. Bu baxımdan xarici ölkələrin təcrübəsinin öyrənilməsi və Azərbaycanın reallıqları ilə uzlaşmasını təhlil etmək vacibdir», - deyə M.Seyidov bildirib.
Qeyd edək ki, 10 ölkənin nümayəndələrinin qatıldığı seminarda iqtisadiyyatı keçid mərhələsində olan ölkələrdə texnologiyaların ötürülməsi sahəsində əsas problemlər, Azərbaycanda texnologiyaların ötürülməsi və bu sahəndə həyata keçirilən siyasət əsas müzakirə mövzularıdır.



Baxış sayı: 1076

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024