12px13px15px17px
Tarix:03/08/15

“Nokia” kartoqrafiya biznesini rəsmən satır

Finlandiyanın  “Nokia” şirkəti kartoqrafiya biznesinin satışı haqda yayılmış şayiələrdən sonra rəsmən elan edib ki, sözügedən biznesi Almaniyanın “Volkswagen”, “BMW” və “Daimler” avtomobil nəhəngləri satın alır.
 
"ICTnews" elektron xəbər xidməti “dailycomm.ru” saytına istinadən bildirir ki, “Nokia” şirkətinin nümayəndəsinin bəyanatına əsasən, 3 avqust tarixində şirkətin “Here” bölməsi 2,8 milyard avro məbləğinə satılacaq. Sazişin şərtlərinə görə, “Volkswagen”, “BMW” və “Daimler” satın alınan biznesdə bərabər pay sahibi olacaq.
 
“Here” kartoqrafiya biznesinin xidmət və texnologiyaları avtomobil sənayesində daxili naviqasiya sistemlərinin yaradılması üçün geniş tətbiq edilir. Müasir maşınlarda quraşdırılmış beş naviqasiya kompleksindən dördü “Nokia” xidmətidir.
 
Bundan başqa, şirkətin xəritə xidmətindən “Amazon”, “Microsoft” və “Yahoo!” internet şirkətləri istifadə edir. “Here” xəritə xidməti 196 ölkədə işləyir, səsli naviqasiya isə 96 dövlətdə əlçatandır.
 
Emil Hüseynov



Baxış sayı: 249

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






30 May 2020

29 05 2020