İKT

Tarix:20/08/15

Bakıda “CIPS-2015” sərgisi keçiriləcək

Bakıda oktyabrın 21-24-də Xəzər regionunun təhlükəsizliyi və mühafizəsi sahəsində nailiyyətlərə həsr edilmiş “CIPS-2015” sərgisi keçiriləcək.

“ICTnews” xəbər xidmətinin məlumatına əsasən, “Mühafizə, təhlükəsizlik və xilasetmə mühiti” mövzusunda keçiriləcək 8-ci beynəlxalq sərgidə, beynəlxalq təhlükəsizliyin təmin edilməsi çərçivəsində bu sahədə müasir texnoloji, texniki həllər nümayiş olunacaq.

Tədbir həmçinin dünyada beynəlxalq ticarətin təhlükəsizliyini təmin etmək və terrorizm ilə mübarizə aparmaq üçün bu sahə üzrə hazırlanmış ən son tətbiqlərlə tanış olmaq imkanı yaradacaq.

Sərgi “Təhlükəsizliyin təmin edilməsi üçün texniki vasitələr”, “Mühafizə televiziyası və müşahidə sistemləri”, “Yanğın təhlükəsizliyi. Qəza-xilasetmə texnikası. Əməyin mühafizəsi”, “Məlumatların mühafizəsi. Mikro-prosessorlu “smart” kartlar. İdentifikasiya texnologiyaları. Bank avadanlığı” bölmələri üzrə keçiriləcək.

Aynur Vəliyeva

Baxış sayı: 761