12px13px15px17px
Tarix:16/09/15

“Visa” şəxsiyyətin biometrik üsulla təsdiqləmə sistemini yaradıb

"Visa" şəxsiyyətin biometrik üsulla təsdiqləmə sistemini yaratdı.  Beynəlxalq ödəniş sistemi olan "Visa" çipli plastik kart istifadəçilərinin biometrik aydınlaşdırılması (identifikasiyası) üçün yeni spesifikasiyanı təqdim etmişdir.

Belə ki, yeni spesifikasiya barmaq, ovuc, üzün skan edilməsi və yaxud səsin tanınması yolu ilə tranzaksiyanı təsdiq etməyə imkan verəcək. Şəxsiyyətin biometrik üsulla təsdiqləmə sistemi EMV (çip) standartına uyğun olacaq. "Visa" yeni yaratdığı sistemdən həm fırıldaqçılıq hallarının qarşısını almaq, həm də təhlükəsiz ödəniş həyata keçirmək üçün istifadə edəcək.

Yeni sistemin iş prinsipi elə şəkildə qurulmuşdur ki, barmaq izləri və yaxud digər biometrik məlumat biometrik oxucu tərəfindən şifrlənir və sonradan yoxlanılır. Beləliklə, istifadəçilərin biometrik məlumatları hər hansı bir şəkildə mərkəzi məlumat bazalarında saxlanılmır.

"Visa"nın yeni spesifikasiyası EMV standartı üzərində yaradıldığından bütün dünya üzrə 3,3 milyarda yaxın çipli kart istifadəçisi üçün əlçatan olacaq. Yeni sistemi ilk olaraq Cənubi Afrika bankı olan "Absa Bank" sınaqdan keçirir.





Baxış sayı: 282

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






27 May 2020

26 05 2020