12px13px15px17px
Tarix:10/10/15

Rabitə və Yüksək Texnologiyalar Nazirliyi e-xidmətlərindən istifadə sayına görə birinci olub

Rabitə və Yüksək Texnologiyalar Nazirliyi (RYTN) sentyabr ayı ərzində elektron xidmətlərindən istifadə sayına görə birinci mövqedə qərarlaşıb.
 
“ICTnews” elektron xəbər xidmətinin məlumatına görə, bir ayda “Elektron hökumət” portalı üzərindən nazirliyin e-xidmətlərinə 329073 müraciət qeydə alınıb.
 
Sentyabr ayında ən çox istifadə olunan 20 elektron xidmətdən 6-sı RYTN-in payına düşüb.
 
Bunlar “Mobil nömrə daşınması xidməti vasitəsilə digər şəbəkəyə daşınmış nömrələr barədə məlumatın verilməsi”, “Telefon nömrəsi üzrə axtarış”, “Mobil cihazların qeydiyyatdan keçirilməsi”, “Mobil cihazların IMEI kodunun yoxlanılması”, “Rabitə və kommunal xidmət haqlarının internet vasitəsilə ödənilməsi” və “AzDataCom internet xidmətinə qoşulma üçün sifariş” xidmətləri olub.
 
Qeyd edək ki, “Elektron hökumət” portalında Rabitə və Yüksək Texnologiyalar Nazirliyinin 35 elektron xidməti yerləşdirilib, öz saytında isə 26 e-xidməti istifadədir. Nazirlər Kabinetinin 24 noyabr 2011-ci il tarixli 191 nömrəli qərarı ilə təsdiq edilmiş siyahıda yer alan RYTN-ə məxsus 16 xidmətin hər biri portalda və saytında yerləşdirilib.
 
CAHANGİR
 
 
 



Baxış sayı: 224

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






27 May 2020

26 05 2020