Tarix:17/09/11

2011-ci ildə İT büdcələri zərərə məruz qalmayacaq

Dünya iqtisadi böhranının təkrarlanma təhlükəsinə baxmayaraq, “Wells Fargo Securities”-in baş analitiki Ceyson Meynard hesab edir ki, 2011-ci ildə İT büdcələri azalmayacaq.

Meynard və onun komandası iddia edir ki, makroiqtisadi vəziyyətin qeyri-sabitliyi ilə bağlı ümumi qorxulara baxmayaraq İT xərclər azalmamalıdır.

Ekspertlər güman edirlər ki, İT bölmələrin bir çox rəhbərləri indi gözləmə mövqeyini tutublar və vəziyyətə görə hərəkət edəcəklər. Onların əksəriyyəti 2011-ci ildə İT təminata xərclərin artmasını 4-5% həddində proqnozlaşdırırlar.

2012-ci ildə İT büdcələrlə bağlı məsələ böyük sual altındadır. Hərçənd ekspertlərin çox hissəsi qeyd edir ki, büdcə artımı qeydə alınacaq. Bununla belə, bir çox şey dünya iqtisadiyyatındakı vəziyyətdən asılı olacaq.

Baxış sayı: 1072

© İstifadə edilərkən İctnews-a istinad olunmalıdır