Tarix:25/12/15

Sosial şəbəkələrdən asılılığın səbəbləri müəyyən edilib

Amerikalı psixoloqlar sosial şəbəkələrin insan həyatına təsirini araşdırıblar. Araşdırmalar nəticəsində insanlarda "Facebook” sosial şəbəkəsindən asılılığın formalaşması səbəbi müəyyənləşdirilib.
 
“ICTnews” elektron xəbər xidməti “www.dni.ru ” resursuna istinadən yazır ki,  ABŞ-da keçirilmiş illik “NCA” konfransında müxtəlif ölkələrdən olan  alimlər sosial şəbəkələrin insan həyatına təsirini müzakirə ediblər. Məlum olub ki, müəyyən fərdi xüsusiyyətlərə malik insanlar “Facebook” sosial şəbəkəsindən asılılığa daha meyillidirlər.
 
Bu kateqoriyaya özləri haqda yüksək fikirdə olmayan insanlar daxildir. Alimlərin sözlərinə görə, sosial şəbəkədən asılılıq insanlara alkoqol və ya narkotik kimi mənfi təsir göstərmir.
 
Həmçinin alimlər bu tip asılılıqdan əziyyət çəkən insanların daha yumşaq xarakterə və pis yaddaşa malik olduqlarını müəyyən ediblər.
 
Emil Hüseynov

Baxış sayı: 957

© İstifadə edilərkən İctnews-a istinad olunmalıdır