XƏBƏRLƏR

Tarix:11/02/16

Elektrokimyəvi cihaz yaralarda bakteriyaları bir neçə saniyəyə aşkar edir

ABŞ-ın Vaşinqton Universitetində hazırlanan yeni proses sayəsində yaralardakı infeksiyaları tezliklə bir neçə saniyə ərzində aşkar etmək mümkün olacaq.

"ICTnews" Elektron Xəbər Xidməti "Newsland" resursuna istinadən yazır ki, hazırkı mərhələdə həkimlər yaradan nümunə götürərək sonradan onu gün ərzində Petri fincanında saxlayaraq orada bakteriya mənbələrinin olmasını müəyyənləşdirəcəklər. Həmin vaxt ərzində isə infeksiya olacağı halda müalicənin aparılmayacağı qeyd olunur.

Variantlardan biri kimi geniş təsir spektrli antibiotiklərin laboratoriya nəticələri əldə edilənədək tətbiq olunması göstərilir. İnfeksiyanın olmaması müəyyənləşsə, aydın olar ki, dərman lazımsız yerə verilib və xəstələr kənar təsirlərə məruz qala, eləcə də bakteriyaların antibiotiklərə qarşı dözümlüyü fəallaşa bilər.

Bunun əvəzinə, doktor Viktoriya Şanuqamın rəhbərliyi ilə mütəxəssislər qrupu yaralarda zərərli bakteriyaları bir neçə saniyəyə aşkarlamaq üçün birdəfəlik ucuz elektrokimyəvi cihazdan istifadə edir. Daha dəqiq desək, tədqiqatçılar adətən xroniki yaralarda olan "Pseudomonas aeruginosa" bakteriyalarından əmələ gələn molekulu (piosianin) aşkarlamaq üçün qurğudan istifadə edirlər.

Aparılan sınaqlarda cihazlar bakteriyaların olmasını 71 faizlik dəqiqliklə, onun olmamasını isə 57 faizlik dəqiqliklə müəyyən ediblər.

Bildirilir ki, texnologiyanın gələcəkdə daha da inkişaf etdiriləcəyi təqdirdə bu göstəricilər xeyli yaxşılaşa bilər.

Nizam Nuriyev

Baxış sayı: 618