12px13px15px17px
Tarix:28/04/16

Qlobal smartfon bazarında ilk dəfə azalma qeydə alınıb

“Reuters” agentliyi “Strategy Analytics” tədqiqat şirkətinə istinadən yazır ki, 2016-cı ilin birinci rübündə qlobal smartfon bazarında ilk dəfə tədarük həcmi azalıb.

“ICTnews” Elektron Xəbər Xidməti “gazeta.ru” saytına istinadən yazır ki, analitik şirkətin məlumatına görə, cari ilin yanvar-mart aylarında 334.6 milyon qurğu tədarük edilib. Halbuki ötən ilin müvafiq dövründə bu göstərici 345 milyon cihaz təşkil etmişdi.

“Samsung Electronics Co” şirkəti, əvvəlki kimi, ən böyük  smartfon istehsalçısıdır, onun tədarük həcmi 4.5% azalaraq 79 milyon qurğu təşkil edib. Smartfon bazarında “Samsung”un payı ötənilki nəticəyə nisbətdə cüzi azalıb: 24%-dən 23,6%-dək.

“Apple” korporasiyası ikinci yeri tutub: bu şirkətin smartfonlarının tədarükü 16% azalaraq 51.2 milyona bərabər olub. Bazarda şirkətin payı 17,7%-dən 15,3%-dək azalıb.

Analitiklər smartfon bazarındakı azalmanı dünya iqtisadiyyatının vəziyyəti ilə izah ediblər.

Emil Hüseynov




Baxış sayı: 630

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024