12px13px15px17px
Tarix:23/05/16

“Google Soli” jestlərlə smart saat və smartfonları idarə etməyə imkan verəcək

Ötən il “Google” şirkətinin “ATAP” tədqiqat bölməsi mahiyyəti qurğuların əl hərəkətlərinin köməyi ilə idarə olunmasından ibarət yeni “Soli” layihəsini təqdim edib. Son ildə “Google” əməkdaşları bu ideyanın inkişafını davam etdirərək “I/O 2016” proqram tərtibatçıları konfransında texnologiya vasitəsilə “ağıllı” saatların necə idarə edilməsini nümayiş etdiriblər.

“ICTnews” Elektron Xəbər Xidməti “4PDA” resursuna istinadən yazır ki, "Google Soli” layihəsinin əsasını qurğuların yaxınlığında hərəkətləri müəyyənləşdirməyə imkan verən xüsusi radiolokasiya sistemi təşkil edir. İlk prototiplərdə radarın ölçüsü böyük olub və daim kompüterə qoşulmağı tələb edib. Bu dəfə isə “Google” mütəxəssisləri radarı “ağıllı” saatların korpusuna yerləşən kiçik çip şəklində yaratmağa nail olublar. Texnologiyadan istifadə variantları yetərincədir.

“Google Soli” vasitəsilə obyektləri tanımaq, üçölçülü modellər (3D) yaratmaq, avtomobildə smartfonu jestlərlə idarə etmək mümkündür.

Texnologiyanın kommersiya qurğularında nə vaxt tətbiq ediləcəyi barədə hələ ki məlumat verilmir.

Nizam Nuriyev 






Baxış sayı: 592

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024