12px13px15px17px
Tarix:24/05/16

Baqajdakı bombanı 100 mikrosaniyəyə tapan qurğu yaradılıb

Massaçusets Texnologiya İnstitutunun mütəxəssisləri tərəfindən yaradılmış kvant lazeri baqajdakı bomba və başqa təhlükəli əşyaları dərhal aşkar etməyə imkan verəcək. Yığcam ölçülü qurğunun skan etmə müddəti 100 mikrosaniyə təşkil edir.

Kvant lazeri baqajın skan edilməsindən ötrü teraherslik spektr yaradır.

“ICTnews” Elektron Xəbər Xidməti “mail.ru” saytına istinadən yazır ki, qurğunun özəlliyi ondan ibarətdir ki, o, bir çox materialı tanıya bilər.

Əvvəllər istifadə olunmuş lazerlərin iki əsas çatışmazlığı var idi. Baqajın yoxlanılmasına 30 dəqiqə vaxt sərf olunurdu, bundan başqa nəhəng soyuducu blok tələb olunurdu.

Alimlər hər iki problemi həll ediblər: soyuducu blok tələb olunmur və baqajın yoxlanmasına 2 dəqiqə vaxt sərf edilir.

Kvant lazerindən istifadə aeroportlarda baqajın etibarlı skan edilməsi nəticəsində uçuşların təhlükəsizliyini yüksəltməyə imkan verəcək. Həmçinin qurğudan istifadə yoxlama vaxtını azaldacaq, ona görə sərnişinlər çox gözləməli olmayacaqlar.

Emil Hüseynov




Baxış sayı: 583

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024