12px13px15px17px
Tarix:28/09/16

“YouTube Go” internetə qoşulmadan videoya baxmağa imkan verir

Simsiz şəbəkələrə qoşulan aktiv mobil qurğu istifadəçiləri uzun müddətdir populyar “YouTube” videohostinqi vasitəsilə “offline” rejimdə videoya baxmaq və sevimli videoları seyr edən zaman trafikə qənaət etmək arzusundadırlar. “Google” şirkəti minlərlə istifadəçinin istəyini eşidərək mobil və ya "Wi-Fi” şəbəkəsinə qoşulmadan videoya başqa vaxtda baxmaq üçün onu saxlamağa imkan verən "YouTube Go” əlavəsini təqdim edib. Dehlidə təqdim edilən servisdən yalnız Hindistan sakinləri istifadə edə biləcəklər.

“ICTnews” Elektron Xəbər Xidməti “4PDA” resursuna istinadən yazır ki, Hindistan üçün layihələndirilən və nəzərdə tutulan “YouTube Go” qoşulma və şəbəkənin xüsusiyyətləri nəzərə alınmaqla ölkə sakinlərinə videoservisin bütün gözəlliklərini çatdıracaq.

Əlavə videonun ilk fraqmentindən istifadəyə imkan verməklə yüklənən faylın ölçüsünü göstərir və videonun keyfiyyətini seçir. Bundan başqa, videonu “Bluetooth” ilə başqa telefona ötürmək mümkündür. “YouTube Go” videonun yerləşməsini yadda saxladığına görə onu qovluqlarda axtarmağa ehtiyac qalmır.

Hazırda “YouTube Go” layihəsi üçün sınaqlarda iştirak edəcək şəxslərin qeydiyyatı aparılır. Əlavənin Hindistanda və dünyanın digər regionlarında nə vaxt istifadəyə veriləcəyi açıqlanmır.

Nizam Nuriyev 




Baxış sayı: 521

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024