12px13px15px17px
Tarix:28/09/16

2020-ci ildə dünya iqtisadiyyatının 25%-i rəqəmləşdiriləcək

2020-ci ildə dünya iqtisadiyyatının 25%-i rəqəmləşdiriləcək. Rəqəmləşdirmə prosesi sürətlə gedir: 15 il bundan əvvəl bu göstərici 15%-ə bərabər idi. Mobil və “bulud” texnologiyaları, “əşyalar interneti” (“IoT”) və “Big Data” bu artımı təmin edir.

“ICTnews” Elektron Xəbər Xidməti “hitech.newsru.ru” saytına istinadən yazır ki, bu haqda Taras Şevçenko adına Kiyev Milli Universitetinin tələbələri ilə görüş zamanı “Microsoft Multicountry”nin Mərkəzi və Şərqi Avropa üzrə baş direktoru Maykl Koqler deyib.

Xatırladaq ki, “Accenture” şirkətinin “Technology Vision 2016” adlı illik tədqiqat məlumatına görə, beynəlxalq şirkətlərin direktorlarının 82%-i əmindir ki, rəqəmli texnologiyalar istehlakçı, partnyor və istehsalçıların ekosistemi əsasında yeni texnoloji inqilabın bünövrəsi olmaq qabiliyyətinə malikdir.

Sorğuda iştirak etmiş 3100 iş adamı və İT direktorlarının 86%-nin fikrincə, yaxın üç ildə iqtisadiyyatda texnoloji dəyişikliklərin tempi görünməmiş sürətlə artacaq.

“Accenture” şirkətinin tədqiqatında beş əsas texnoloji trend ayrılıb:

- süni intellekt, robot və artırılmış reallıqdan istifadəyə əsaslanan "ağıllı" avtomatlaşdırma;

- elastik əmək ehtiyatları (istənilən dəyişikliklərə tez uyğunlaşan mühit rəqəmli dünyada biznes tələblərinə hazır);

- yeni ekosistem və texnoloji platformalara əsaslanan platforma iqtisadiyyatı və biznes modelləri;

- sahə üzrə sərhədləri aradan qaldıran gözlənilən texnoloji irəliləyiş;

- Rəqəmli dünyada etimadın təmini.

Emil Hüseynov




Baxış sayı: 898

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024